Albistea entzun

Ederbidea aurkeztu dute; Baiona, Iruñea eta Donostia lotuko dituen bidegorria

Nafarroa, Gipuzkoa eta Pirinio Atlantikoetako 12 bazkideren arteko lankidetza proiektua da Ederbidea, "bizikletaren erabilera sustatzeko". 2019rako, bizikletan ibiltzeko 90 kilometro inguru egokitzea da xedea.

Isabelle Miquelestorena

Ekhi Erremundegi Beloki -

2016ko irailak 7 07:34

Kutsadura emisioak murriztea, zirkulazioa arintzea eta biztanleriaren osasuna hobetzea; horiek dira Baiona, Donostia eta Iruñea lotuko dituen Ederbidea bizikletentzako errepidearen helburuak. Gaur goizean aukeztu dute egitasmoa Baionan, Gipuzkoako Foru Aldundiko, Nafarroako Gobernuko eta Pirinio Atlantikoetako Kontseilu Nagusiko ordezkariek. Hiru lurraldeetako 12 bazkidek parte hartu dute mugaz gaindiko lankidetza proiektuan. Ederbidea 2019rako egonen da prest eta Interreg Poctefa Europako programaren laguntza du; 9,45 milioi euroko aurrekontua du eta %65a Europar batasunak kofinantzatuko du. Gaur egun diren bizikleta errepideen segurtasuna bermatzeko obrak egin eta falta diren zatiak eraikitzea izanen da proiektuaren ardatz nagusia.

Mugaz gaindiko lankidetzaren "lorpen" bezala aurkeztu dute ordezkari guziek. "Mugaz gaindiko harremanak indartu eta lankidetzan aritzeko anbizioa dugu. Horretarako, proiektu konkretuak behar dira; hori eskatzen digu jendarteak", adierazi du Florence Lasserre Pirinio Atlantikoetako kontseilariak. Proiektu "estrategiko" gisa aurkeztu dute Manu Aierdi Nafarroako Gobernuko presidenteordeak eta Marisol Garmendia Gipuzkoako Foru Aldundiko mugikortasun sailburuak ere.

Erabilpena sustatzea

Garraio Publikoarekin batera bizikletaren erabilera sustatzen dituzten ekintzak aitzina eramatea du xede Ederbidea proiektuak. Hala, txirrindulariek bizikleten ibilbide, ordutegi eta alokairu zerbitzuko informazio "hobea" izanen dutela adierazi dute egitasmoaren bultzatzaileek. Bizikletentzako aparkalekuak ere jarriko dituzte hiri sarreretan, hiriko joan-etorrietan bizikletaren erabilera "errazteko".

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Frantziako Polizia osasun ziurtagiria eskatzen, Miarritzeko ostatu batean. ©GUILLAUME FAUVEAU

Txertatze ziurtagiriaren alde egin du Konstituzio Kontseiluak

Oihana Teyseyre Koskarat

Astelehenetik goiti beharrezkoa izanen da Ipar Euskal Herriko hainbat leku publikotara sartzeko. Kontseiluak atzera bota du ekitaldi politikoetan parte hartzeko agiria eskatzea

Maiaren adierazpenen aurkako protesta egin zuten ostegunean, SOS Arrazakeriak deituta. Irudian, manifestari bat, alkatearen aurkako afixa batekin. ©JESUS DIGES / EFE

Maia, datuek gezurtatua: delituen %0,3 dagozkie migratzaile adingabeei

Ion Orzaiz

Adingabeen Fiskaltzak 522 espediente ireki zituen iaz Nafarroan, eta soilik 99 izan ziren migratzaileei egotzitakoak. Iruñeko alkateak dioenaren kontrara, delitu horien ehunekoa apaldu egin da 2019tik

Ertzaintza Ibaizabal ibai bazterreko operazio batean, artxiboko irudi batean ©Luis Tejido, EFE

Adingabe baten gorpua aurkitu dute Ibaizabal ibaian, Galdakao parean

Berria

Gorpua joan den asteazkenean atzeman zuten. Gaztea Bizkaiko Aldundiaren zaintzapean zen; harrera zentro batean izandakoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.