MEMORIA HISTORIKOA

Otsoportillon eta Iberon hobitik ateratako bost lagunen arrastoak identifikatu dituzte

Horietako bat Jose Roa Garcia zen, Iruñeko zinegotzia. Beste lauak Meliton Agirre Lezea, Francisco San Roman Galbete eta Domingo eta Francisco San Roman Otxoa dira. Iazko abenduan topatu zituzten. Nafarroako Gobernua senideekin harremanetan jarri da gorpuzkinak itzultzeko.

Nafarroako Gobernuko eta Aranzadi Zientzia Elkarteko kideak, Legarreako leizean, Gaztelun. NAFARROAKO GOBERNUA
2016ko urriaren 7a
16:51
Entzun

Aranzadi Zientzia Elkarteak identifikatu ditu Otsoportillon eta Iberon (Nafarroa) hobitik ateratako bost lagunen arrastoak. Roa Garciaren arrastoak Iberon aurkitu zituzten, abenduan. Gainerakoak Olatzagutiko Meliton Agirre Lezea, Altsasuko Francisco San Roman Galbete eta Ziordiako Domingo eta Francisco San Roman Otxoaren arrastoak dira, Nafarroako Gobernuak jakinarazi duenez.

Aztarnak identifikatu ostean, Nafarroako Gobernua harremanetan jarri da senideekin, horiek familiei emateko.

Ana Ollo Nafarroako Gobernuko Herritarren eta Erakundeen Harremanetarako kontseilaria Legarreako leizean (Gaztelu) izan da. 1936ko abuztuan desagertu ziren Juana Josefa Goñi eta haren sei seme-alaben gorpuak aurkitzeko lanetan ari dira bertan, eta jada lau umeren gorpuzkiak topatu dituzte.

Hobitik ateratzeko prozesuaren bigarren faseari ekin diote orain, falta diren arrastoak lur eremu zabalago batean bilatzeko. Espero da astelehenera arte aritzea bilatzeko lanetan.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.