HILBERRIA

Mayi Pelot idazlea hil da

Bihar ehortziko dute, Baionan.

Mayi Pelot.
Mayi Pelot. / Euskaltzaindia

Berria -

2016ko urriak 9

Mayi Pelot (Talença, Okzitania, 1947-2016) idazlea hil da, Euskaltzaindiak jakinarazi duenez. Biharko iragarri dute ehorzketa Baionako funerarium-ean egingo dute;14:15ean.

Lanbidez irakasle, idazlea ere bazen Pelot. Maiatz taldean hastapenetik agertu zen, eta aldizkariaren sorreran parte hartu zuen. Euskaraz ipuin futuristak idazten aitzindarietako bat izan zen, eta genero horretako bi liburu agertu zituen Maiatz argitaletxean: Biharko oroitzapenak (1958) etaTeleamarauna (1987).

Euskararen Erakunde Publikoak (EEP) bideratutako Nola erran hiztegi sailean zuzentzaile lanak egin zituen, eta, horrez gain, Gure Irratia-ren lehen urteetan fikzio emankizun andana kudeatu zuen, nola Isaac Asimoven obratik hartu testuekin eta batez ere Richard Wagnerren obratik egokitu opera aipatu batzuk antzeztuz. "Grekozko agregazioa lortu zuen eta luzaz irakasle egona da Biarritzeko Lizeoan. Ikastaroak ere eman zituen Baionako euskal unibertsitatearen klaseetan. Euskal munduak zor dio kultur bide aberasgarri batzuen irekitzea", adierazi du Luzien Etxezaharreta idazle, kazetari eta Maiatz-eko koordinatzaileak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna