NOBEL SARIAK

Literaturako Nobel saria, Bob Dylanentzat

"Amerikako kanta tradizio handian adierazpide poetiko berriak" sortzeagatik saritu dute.

Bob Dylan.
Bob Dylan.

Berria -

2016ko urriak 13

Urte askoan faboritoen kinielan egon ondoren, AEBetako musikari eta kantariari eman diote Literaturako Nobel saria. "AEBetako kantagintza tradizioa berritzeagatik eta adierazpide poetiko berriak ekartzeagatik" saritu du Suediako Akademiak.

Bob Dylan 1941eko maiatzaren 24an jaio zen, Minnesotako Duluth herrian (AEB). Klase ertaineko familia batean hezia, gaztetan hainbat musika taldetan aritu zen. Musikarekiko interesean sakonduz, Ameriketako folk eta blues estiloarekiko aparteko zaletasuna azaldu zuen. 1961ean New Yorkera lekualdatu zelarik hasi zen Greenwich Villageko tabernetan jotzen, eta bertan ezagutu zuen John Hammond produktorea; harekin grabatu zuen bere lehen diskoa.

Geroxeago plazaratutako diskoan zegoen Blowing in the Wind abestia ezagun egin zen. Atera dituen disko asko bihurtu dira salmenta postuetako aurren. Hainbat estilo uztartu ditu; besteak beste, folka, countrya, bluesa, rocka, zelta jatorriko musika eta jazza.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna