Izturitzeko Herriko Gelan (Nafarroa Beherea) jokatu da Xilaba Zuberoa, Lapurdi eta Nafarroa Behereko bertsolari txapelketako bigarren finalaurrekoa, eta Amets Arzallus nagusitu da, 363 puntu bilduta. Haren atzetik sailkatu dira Maddalen Arzallus (330,5), Eneritz Zabaleta (323, 5), Maddi Sarasua (320), Nahia Sasco (302,5) eta Ramuntxo Christy (294,5).
Aiziritzen (Nafarroa Beherea) hasiko da finalaurrekoen bigarren fasea, urriaren 22an. Bi saio izango dira, Aiziritze eta Larresorokoak (Lapurdi), eta lehen fasean lortutako puntuei bigarrenekoak gehituko dizkiete bertsolariek. Puntu gehien bildutako sei bertsolariak izango dira Xilabako finalean, azaroaren 12an, Baionan.
