Albistea entzun

EUSKARA

Soziolinguistika, eskolara

Tribuaren Berbak ikastetxeetan erabiltzeko egokitu dute. Helburua da ikasleek "errealitate soziolinguistikoa ezagutzea eta gogoeta egitea".

Material didaktikoaren egileak, EITBko eta Eusko Ikaskuntzako arduradunekin.
Material didaktikoaren egileak, EITBko eta Eusko Ikaskuntzako arduradunekin. Garikoitz Goikoetxea

Garikoitz Goikoetxea -

2016ko azaroak 4 18:40

Euskararen egoerari buruzko saioa etena hartua dago telebistan, baina lanean jarraitzen dute arduradunek. Kike Amonarriz soziolinguista buru duen taldeak eskoletan erabiltzeko moldatu du Tribuaren berbak saioa. ETBn 60 kapitulu eman zituzten, eta horiek hamar sekuentzia didaktikotara bildu dituzte, eskoletan lantzeko. Materiala DBHrako dago pentsatuta, baina azaldu dute bestelako mailetan ere erabil daitekeela —Batxilergoan eta unibertsitatean, adibidez—, "egokitzapen batzuk eginda". Bidenabar, euskaltegietarako ere material egokia dela azaldu dute.

Saioa eskoletan erabiltzen ari direla ohartuak ziren lehenago ere; telebistako programak jartzen zizkieten ikasleei. "Ikus-entzunezko material hori material didaktiko bihurtu dugu orain", adierazi du Amonarrizek. EITBren eta Eusko Ikaskuntzaren Asmoz fundazioaren babesarekin landu dute.

Aholkularitza didaktikoa Josune Zabala soziolinguistak eman die. Azaldu du konpetentzietan oinarritutako materiala dela, taldelana eta erronka komunikatiboak ardatz dituena: "Ikasleak gogoetan jarri nahi ditugu soziolinguistikaz". Hor hutsune bat dagoela azaldu du Zabalak: "Ez dugu erabat asmatu dakiguna eskoletara hedatzen". Iñaki Zapirain proiektuaren koordinatzaileak azaldu du soziolinguistikaz haragoko helburuak ere hartu dituztela: “Eduki soziolinguistikoekin batera doaz helburu komunikatiboak ere”.

Material birtuala da Tribuaren berbak-ena, eta Interneten eskura dago jadanik, helbide honetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

MHLI taldeko ikertzaileak eta Maria Jose Telleria Gipuzkoako Foru Aldundiko Kultura diputatua, gaur, aldundian. ©JON URBE / FOKU

Euskal liburu asko zentsuratu zituzten Franco hil ostean ere

Mikel Elkoroberezibar Beloki

Torrealdairen lanari «jarraipena» emanez, MHLI taldeak 1975. eta 1983. urteen arteko zentsurari buruzko liburu bat ondu du. Zentsoreen obsesioa «separatismoa» zela nabarmendu du Ana Gandara ikertzaileak.

Urkullu, gaur goizean, Eusko Legebiltzarrean. ©Endika Portillo / Foku

Urkulluk uste du euskararen aurkako epaiek ez dutela zalantzan jartzen hizkuntz politika

Iosu Alberdi

Urteko lehen kontrol saioa egiten ari dira Eusko Legebiltzarrean. Osasun sistema publikoaren eta pribatuaren arteko harremana babestu du lehendakariak.

AHTaren tunel bat Lezetxiki barruan egin dutela salatu dute ©Lezetxikiren Lagunak

Gipuzkoako Foru Aldundiak dio AHTak ez duela «inolako kalterik eragin» Lezetxikin

Isabel Jaurena

Ekologistak Martxan taldeak erran du AHTaren obrek «haitzuloko lurpeko ekosistema hauskorrari» kalte egin diotela.

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.