GIZARTEA

Elizegi: "Aroztegiaren aurkako kritikak isilarazteko azpijokoa da epaiketa hau"

Baztango alkate ohiak epailearen aurrean deklaratu du, Palacio de Aroztegia enpresak jarritako salaketarengatik. Auzia adierazpen askatasunaren aurkako erasoa dela salatu du EH Bilduk

Garbiñe Elizegi, Baztango alkate ohia, epaitegira sartu aurretik.
Garbiñe Elizegi, Baztango alkate ohia, epaitegira sartu aurretik. Idoia Zabaleta / Argazki Press

Ion Orzaiz -

2016ko azaroak 8

Aroztegia "kolpetik aberasteko proiektu bat" dela esan zuen Baztango alkate ohi Garbiñe Elizegik, eta hitz horiengatik epaitzen ari dira. Hirigintza proiektu bat kritikatzeagatik epailearen aurrean deklaratu behar izatea onargaitza dela berretsi du alkate ohiak: "Adierazpen askatasunaren aurkako eraso bat da, azpijoko hutsa, gu isilarazteko".

09:15ean sartu da Elizegi Nafarroako Auzitegira. Aurretik, Baztango hainbat bizilagunek elkarretaratzea egin dute, "Jazarpen judizialik ez. Aroztegia gelditu!" lelopean. "Baztango herritarren eta haien interesen alde eginiko deklarazioengatik epaituko naute", esan du alkate ohiak, auzitegiko atarian.

Elizegik gaineratu duenez, Palacio de Aroztegia SL enpresak Baztango zortzi bizilagunen kontrako salaketa jarri du. "Nire kontrako hirugarren salaketa da hau, eta horrek agerian uzten du auzia pertsonalizatu nahi dutela". Hala ere, baztandarren nahiz lekaroztarren nahia "oso argi" dagoela azpimarratu du Elizegik. "UPN, PSN, PP eta Geroa Bai libre dira kapitalaren interesen esanetara jartzeko, baina gu ere libre gara herritarren eskubideak defenditzeko".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna