MEMORIA HISTORIKOA

Gregorio Angulo PSNren sortzailearen arrastoak identifikatu dituzte

1937an fusilatu zuten, eta haren gorpuzkiak iazko abenduan atera zituen hobitik Aranzadi Zientzia Elkarteak.

Gregorio Angulo.
Gregorio Angulo. / PSN

Berria -

2016ko azaroak 16

Iruñeko Talde Sozialistaren sortzailea, hiriko zinegotzia eta UGTko buruzagia izan zen Angulo. Tafallarra sortzez, ihes egin zuen 1936ko gerraren garaian, baina geroago identifikatu, Nafarroara eraman eta fusilatu egin zuten 1937ko ekainaren 2an. Iberon lurperatu zuten.

Iazko abenduan atera zituzten hobitik haren arrastoak, beste sei lagunen aztarnekin batera. Horietako bi identifikatu zituzten aurrena DNA proben bidez: Jose Roa Garcia eta Victor Martirena Alegria.

Nafarroako Gobernuak eman du Anguloren identifikazioaren berri, eta "egia, justizia eta erreparaziorako biktimek duten eskubidearekiko konpromisoa" azaldu du. PSN pozik azaldu da identifikazioagatik, eta eskerrak eman dizkie hori posible egin dutenei.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna