34 urteko gizonezko bat atxilotu zuen Poliziak, larunbatean, Angelun. Sud Ouest egunkariak zabaldu duenaren arabera, bikotekidea hilabetez bahitu eta kolpatu izana leporatzen diote. Iturri horien arabera, biktimaren ilobek eman zioten abisua Poliziari.
Atxilotutako gizonezkoak aurrekariak ditu bortizkeria kasu batean. Atzo pasatu zen epaile aitzinetik, eta defentsa prestatzeko denbora gehiago eskatu zuen, Sud Ouest-ek kontatu duenaren arabera. Otsailean epaituko dute; anartean, presondegian sartzea erabaki du epaileak. 38 urteko emazteak erietxean segitzen du.