Rajoy salatu dute, armagabetzea "galaraztea" egotzita

 

Berria -

2016ko abenduak 21

Publico.es atariak zabaldu duenez, Luhusoko operazioaren harira salaketa bat aurkeztu du Mikel Arizaleta Herri Batasuneko Bilboko zinegotzi ohiak. Zehazki, salaketa Mariano Rajoy Espainiako Gobernuko presidentea, Juan Ignacio Zoido Barne ministroa eta operazioan parte hartu zuten guardia zibilen aurkakoa da, eta ETAren armagabetzea "galaraztea", "nahastea" eta "sabotatzea" leporatu die.

Salaketan, Arizaletak goraipatu egin du Luhuson atxilotutakoek "bakeari eginiko ekarpena", eta azpimarratu du polizia operazioak berak agerian uzten duela ETAk hasi duela armagabetze prozesua. Gainera, kritikatu du Espainiako Gobernua "eta bere erakunde polizial eta judizialak" bakegintzan izaten ari diren jarrera, eta Luhusoko operazioa "bake prozesuaren aurkako boikot" gisa jo du. Hori horrela, salaketa tramitera onartzeko eskatu du, "bakearen boikotatzaileak auzipetu, epaitu eta zigortu ditzaten".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna