Badira 16 urte erronkarieraz hitz egin zuen azken hiztuna, Fidela Bernat, hil zela. Ordea, badira oraindik erronkarierazko abestiak gogoratzen dituztenak. Horietako bat da Bidankozeko Alejandra Salbotx Jimeno.
Bidankozarte erabiltzaileak Twitter kontuan zabaldu duen bideoan entzun daiteke 87 urteko emakumea erronkarieraz abesten. Bi abestiren zatiak nahasten ditu bertan, Gairon Gairona eta Goazen. Bideoa bera 2014ko abuztuaren 20an grabatua da. Bideoa: Salbotx Jimeno erronkarieraz abesten (Bidankozarte).
[youtube]https://youtu.be/-pmARfcprP0[/youtube]
Honela diote abestiek:
Belelen belelen
sortu Jesus Nazare
Nazareneko liza
en guriona kantate
ogi xuria ostiarako
ardaun ona kalitzeko
bertan bertan konbertite
Jesukristo goretako.
Txutxurubitate, Natiribitate,
Gairon gairona, argiz argia, mellallandia,
zutan fiatze mundu guzia.
Oilarrak ata txoria mundu guzuti.
Goazen aingurieki, arkanxelireki,
gaur kantatzera
gore erregiaren xinko semiaren adoratzera.