Politika

Solanak onartu du Felipe Gonzalezen gobernua Guardia Zibilaren hilketa bat estaltzen saiatu zela

Javier Solanak mahai inguru batean esan du Felipe Gonzalezen Gobernuko bozeramaile zenean El País-i eskatu ziola ez publikatzeko Guardia Zibilak lepoaren atzeko aldean tiro eginda hil zuela ETAko kide bat.

Solana, atzo. /
Solana, atzo. / Javier Lizon/Efe

Oihana Elduaien Uranga

2017ko urtarrilak 11

Jende aurrean, kazetaritzaren eta botorearen arteko harremanei buruz ari zela, lasai-lasai aitortu du Javier Solanak Felipe Gonzalezen Gobernuko bozeramaile zen garaian orduko El País egunkariko zuzendari Juan Luis Cebriani eskatu ziola ez zezala argitaratu Guardia Zibilak lepoaren atzealdean jotako tiroarekin hil zuela ETAko kide bat. Egunkariak, ez zion jaramonik egin, eta horrek, bien arteko laguntasuna denbora batez apurtzea ekarri zuen.

Solanak berak kontatu zuen atzo, Club siglo XXIn Cebrianen Primera página. Vida de un periodista (Debate) liburuaren aurkezpenean. Orain PRISAko eta El País-eko lehendakaria da Cebrian. Solana bera izan zuen gidari mahai inguruak, eta El País-ek berak jaso du gobernu bozeramaile ohiak kontatutakoa. Guardia Zibilaren bi tiro jasota hil zen ETAko kide hori, Solanaren arabera, eta tiro horietako bat "lepoaren atzeko aldean" eman ziotela ez argitaratzeko eskatu zion Cebriani.

Solanak ez zuen esan zein etakideri buruz ari zen. 1985etik 1988ra bitartean izan zen Solana Felipe Gonzalezen gobernuko bozeramaile. Garai hortan hil zuten, besteak beste Lucia Urigoitia. 1987ko uztailaren 23ko goizaldean hil zuen Guardia Zibilak Lucia Urigoitia, bi tiro emanda. Haietako bat "lepoaren atzeko aldean" eman zioten, "ia azala ukituz". El País-ek eman zuen hurrengo egunean autopsiaren emaitzen berri. Auzia argitzeko dago.

Gonzalezek berak ere onartu izan du gobernuan zeuden garaian ez zutela ondo jokatu. SER irrati katean irailean egin zioten elkarrizketa batean, esate baterako, honako hitzak egin zituen: "Sekula ez dugu hain emaitza txarrik izan EAEn, egin genituenak egin arren".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna