Albistea entzun

'Euskalduna naiz eta zu?' saioak identitate estereotipoen inguruko hautsak harrotu ditu

Saioa emateari utzi zion ETBk, baina sarean topatu ostean handik ere kentzeko eskatu dute COVITEk eta PSE-EEk. Eusko Jaurlaritzak ere hitz egin du gaiaz, eta esan du han espainiarrei buruz agertzen diren estereotipoak "erabat arbuiatzen" dituela. ETBk webgunetik kendu egin du saioaren Espainiari buruzko atala.

'Euskalduna naiz eta zu?' saioak identitate estereotipoen inguruko hautsak harrotu ditu
'Euskalduna naiz eta zu?' saioak identitate estereotipoen inguruko hautsak harrotu ditu Tamaina handiagoan ikusi

Berria -

2017ko martxoak 4 09:50

Berez, hainbat euskaldun ospetsuk euskaldunei eta beste hainbat gairi buruzko estereotipoez hitz egiteko saioa zen Euskalduna naiz, eta zu?. Espainiarrei buruzko estereotipoak ere agertu dira. ordea, eta haiek ez zaizkie gustatu hainbati. Gaur goizean, saioa saretik kentzeko eskatzeko ohar bana kaleratu dute Covitek eta PSE-EEk, eta arratsaldearen hasieran Jaurlaritzak ere oharra kaleratu du.

Eitb Nahieran-en "euskalduna naiz" jarrita bost saio agertzen dira. Sei grabatu zituzten, eta bat falta da; hain justu, Espainiari buruz egindakoa.

Otsailaren 18an eman zuten azken atala, eta gehiago ez grabatzea erabaki zuen ETBk. Covitek sarean ikusi du saioa, eta espainiarrei buruz esaten direnek haserretu dute: umorezko marrazki batean "facha", "paleto" eta "choni" deitzen zaielako. Saio horretan gisa berean landu dituzte gai guztiak. Oharra atera du Covitek, espainiarrei "irain" egiten zaiela salatzeko, eta jakinarazi du ETBri salaketa jarriko diola Europako Batzordeko arrazakeriaren eta intolerantziaren kontrako batzordean.

PSE-EEk ere atera du oharra, eta esan du saioa umorezkoa izanagatik, horrek ez duela justifikatzen espainiarrei buruz halakoak esaterik. Euskal herritar askoren identitate sentimenduaren ikuspegi "partziala" ematea aurpegiratu dio saioari, eta "euskaldun" euskaradunarekin bakarrik identifikatzea "baztertzailea" dela. Saioa saretik kentzeko eskatu du.

Nerea Llanos PPko bozeramaileak "lotsagarri" jo du "espainiarrak gorrotatzera bultzatzen duten adierazpenak" egotea ETBn, eta Bingen Zupiriaren azalpenak eskatuko dituela jakinarazi du.

Gaia komunikabideetan eta hautsak harrotuta zirenean hitz egin du Jaurlaritzak. Saioan agertzen diren espainiarren buruzko iritziak "erabat arbuiatzen" dituela adierazi dute gobernuko iturriek.

UPNk astelehenean saioaren kontrako salaketa jarriko duela iragarri du, eta Ciudadanosek, berriz, Fiskaltzari eskatuko dio saioa ikertzeko: "Espainiar guztiak iraintzen ditu espainiar izate hutsagatik".

Haserrea sarean

Alderdi horien jarrerak haserrea sortu du sare sozialetan, eta gaia bolo-bolo dabil.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

«Euskarak izan behar du hezkuntza sistemako hizkuntza normalizatua»

«Euskarak izan behar du hezkuntza sistemako hizkuntza normalizatua»

Imanol Magro Eizmendi - Arantxa Iraola

Euskalgintzako eta kulturgintzako pertsona ezagunak batu ditu Euskalgintzaren Kontseiluak eta aldarrikatu dute euskara eta euskal kultura ardatz izan behar dituela Araba, Bizkai eta Gipuzkoarako ontzen ari diren Hezkuntza Legeak

Euskal Hedabideen emankizuna, goizean, Baionan. ©Kanaldude

Euskalgintzaren prekaritateari aurre egitea «zaila» izanen da energiaren kariotze garaian, Kurutxarriren ustez

Oihana Teyseyre Koskarat

Ipar Euskal Herriko Euskal Hedabideek emankizun berezia egin dute goizean, Baionan. Euskaraldiaren biharamunean, bilana egin dute, eta euskalgintzaren prekaritatea ere izan dute aipagai.

 ©Gorka Rubio

Miren Dobaran: «Euskararentzat esparru gehiago irabazi behar ditugu; hori da gure obsesioa»

Julen Aperribai

Eusko Jaurlaritzak kirola, aisialdia eta eremu sozioekonomikoa ditu lehentasun nagusi. Hamarkada honetako hizkuntza politikaren oinarriak Euskara Sustatzeko Ekintza Planean zehaztu nahi ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.