memoria historikoa

Iruñeko Udalak 309 iruindarren hilketak ikertzeko eskatuko du

Argentinako frankismoaren kontrako kereilan ostiralean aurkeztuko du berea udalak. Mila kartzelatze ikertzeko ere eskatuko du.

Majuelo, Asiron eta Etxeberria, kereilaren berri emateko agerraldian. /
Majuelo, Asiron eta Etxeberria, kereilaren berri emateko agerraldian. / Ion Orzaiz Tamaina handiagoan ikusi

Ion Orzaiz -

2017ko martxoak 13

"Argi dago trantsizioak ez zuela behar bezala ikertu frankismoa, eta ez zela borondaterik izan". Hitz horiekin laburbildu du Joseba Asiron alkateak Iruñeko Udalak ostiralean frankismoko krimenak ikertzeko aurkeztuko duen kereila. Argentinan zabaldu den kereilari gehituko zaio, eta ostiralean aurkeztuko dute. Alkateak gaineratu duenez, frankismoak hiri batean eginiko krimenen aurka estatu osoan aurkeztuko den lehen kereila izanen da Iruñekoa. Zehazki, 309 iruindarren hilketak eta mila kartzelatze ikertzeko eskatuko du Iruñeko Udalak. NUPeko adituek egin dute kereilaren peritu txostena. Asironekin batera, Lourdes Etxeberria kereilaren defentsa eginen duen abokatua eta Emilio Majuelo historialaria izan dira horren berri ematen gaur eguerdian.

NUPeko ikerlariek Frankismoko Krimenen Memoria Historikoaren Iruñeko bulegoaren bitartez eginiko ikerketan ehunka hilketa, atxilotze eta jazarpen aztertu dituzten arren, 17 iruindarren kasuen inguruan eraiki dute kereila: Florencio Alfaro Zabalegi, Gregorio Angulo Martinena, Juan Elian Anton Murgiondo, Martin Arbizu Goñi, Pedro Belloso Garcia, Gloria Bosque Ezker, Jose Luis Cano Perez, Corpus Dorronsoro Arteta, Victorino Garcia Enciso, Moises Garjon Arostegi, Juan Carlos Goñi Ziganda, Jose Roa Garcia, Mariano Saez Morilla, Tomas Salinas Beorlegi, Angel Sanz Montero, Amadeo Urla Aranburu eta Javier Urroz Dominguez. Biktima horietako bik, Gloria Bosquek eta Angel Sanzek, eta beste biren senideek (Moises Garjonenak eta Jose Roarenak) bat egin dute kereilarekin, udalaren akusazioari eurena gehituta.

Emilio Majuelok adierazi duenez, arrazoi teknikoengatik hautatu dituzte 17 kasu horiek, peritu txostena osatzeko: "Beste edozein hauta genezakeen, baina kasu hauetan dokumentazio oparoa genuen. Bestalde, frankismoak eraildako Iruñeko Udaleko zazpi zinegotzien kasuak ere jaso ditugu, oso esanguratsuak direlako".

Lourdes Etxeberria abokatuaren esanetan, berriz, "oso kereila sendoa" da Iruñeko Udalak ostiralean aurkeztuko duena. "Nazioarteko zuzenbidera jo dugu, gizadiaren kontrako krimenak direlako, eta estatu guztiek betebeharra dute oztopo faktiko eta juridiko guztiak kenduta, giza eskubideen urraketa sistematiko, planifikatu eta orokortu oro ikertzeko, epaitzeko eta, kasuan kasu, baita zigortzeko ere".

 

Eskerrak eman dizkie Asironek senideei eta elkarte memorialistei, eginiko lanagatik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

«Tristura, pena eta amorrua»

Edurne Begiristain

Txertaketa irregularren harira, Urkulluk dio ez dela «interes pertsonalak» lehenesteko garaia, eta hitzeman du «gardentasunez» jokatuko duela. Sagarduik ohartarazi du ospitaleetako presioa oso azkar handitzen ari dela

Bosgarren kolegio bat babesteko izanen da aurtengo Herri Urrats

Ekhi Erremundegi Beloki

Dirua biltzeko kanpaina bat abiatu du Seaskak, 'Boga' lelopean, eta herritarrei, enpresei eta erakundeei dei egin die parte hartzeko. 300.000 euro lortu nahi dituzte gutxienez
<b>Manifestazioa.</b> LABeko kideak atzo, Bilboko protestan. ©ARITZ LOIOLA / FOKU

Erakundeek «arduraz» joka dezatela eskatu dute zaintza arloko langileek

Irati Urdalleta Lete - Maider Galardi F. Agirre

Greba egin dute Arabako, Bizkaiko eta Gipuzkoako beharginek, ELAk, LABek, CCOOk, ESK-k eta UGTk deituta; bat egin dute SATSEk eta CNTk. Sektorea duintzeko eta publifikatzeko eskatu dute
Zaintza sektoreko langileak atzo, Bilboko manifestazioan. ©ARITZ LOIOLA / FOKU

Isildutakoen bozgorailu

Maialen Arteaga

Zaintza arloko langileek greba egin dute hegoaldeko hiriburuetan. Iratxe Garcia, Marta Pablos eta Txaro Garcia sektoreko langileak dira. Zaintza lanen eredu aldaketa aldarrikatu dute Bilboko mobilizazioan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.