HEGAZTI GRIPEA

Bigarrenean ere, oztopatu dute

700 herritarrek Poliziak hegaztiak hiltzea eragotzi dute Zuberoan eta Nafarroa Beherean. Bideoa: poliziak eta herritarrak, aurrez aurre (Iparraldeko Hitza).

Eneko Etxegarai -

2017ko apirilak 22

Hegazti gripearen aurkako prebentzio neurriengatik, Domintxine (Zuberoa), Barkoxe (Zuberoa) eta Gabadiko (Baxenabarre) hiru etxaldeetan kabalen hiltzeko agindua dago. Hegazti gripearen aurkako prebentzio neurriak direla eta, kabala guztiak hiltzeko agindua daukan eremuan daude hiru etxaldeak, eta, ondorioz, hilik beharko luketela erabakia dute Pirinio Atlantikoetako Prefeturako osasun zerbitzuek.

Hori saihesteko, ordea, etxaldeetan batu dira goizean goizetik ehunka lagun; tartean, hainbat hautetsi. Horien artean dago, esaterako, Mixel Etxebest Mauleko auzapeza. Polizia oldartu egin zaie Gabadin elkartutakoei, eta negar gasa bota die; hala ere, ez dira etxaldera sartu, eta joan egin da Polizia.

Panpi Sainte Marie ELB sindikatuko ordezkariak Euskadi Irratian azaldu duenez, laborarientzat "garaipena" da hainbeste herritar elkartu izana: "Jendeak ulertzen gaitu".

Gaur zortzi zituzten hiltzekoak. Baina etxaldeetara hurbildu zerbitzuak, eta herritar eta hautetsi andana batek —400 bat lagun orotara— bideak itxirik zituztela aurkitu zuten. Kabalak ez direla eri argumentatu zuten, kutsadura arriskurik ez dagoela eta industriala ez den laborantza babestu behar dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna