Ikerkuntza

Abian da Ikergazte: 180 ikertzaile batuko dira gaurtik ostiralera bitartean Iruñean

UEUk bigarrengoz antolatu du topaketa; euskarazko ikerkuntza sustatzea du helburu, eta ikertzaile gazteen arteko sareak trinkotzea.

Ikergazteren hasierako hitzaldietako bat. /
Ikergazteren hasierako hitzaldietako bat. / Iñigo Uriz/Argazk Press

Arantxa Iraola -

2017ko maiatzak 10

Gaur goizean hasi da Ikergazte, nazioarteko ikerketa euskaraz egitea sustatzen duen kongresua. Iruñean da aurten. 180 ikertzaile inguruk parte hartuko dute, lantzen ari diren ikerketa alorrei buruzko aurkezpenak eginez. Gazte eta hasi berri izatea dute gehienek ezaugarria, eta euskaraz aritzea. Ehundik gora komunikazio eta poster aurkeztuko dituzte, jakintzaren hainbat arlotakoak. Aurten, antolatzaileek aparteko ahalegina egin dute, bereziki, gizarte gaiek ere tokia izateko kongresuan. Orain bi urte egin zen lehen aldiz Ikergazte, Durangon (Bizkaia).

Ikerketan sona eta ibilbide sendoa duten ikertzaile batzuek ere parte hartuko dute topaketan; Laurence Tresse astrofisikariak, Jose Ramon Etxebarria fisikariak, Arkaitz Carracedo onkologia molekularreko ikertzaileak eta Elin Haf Gruffydd Jones hizkuntza gutxituei buruzko ikertzaileak hitzaldiak egingo dituzte. Tailerrak eta mahai inguruak ere egingo dira, kongresuaren osagarri.

Kongresu honen babesleak NUP Nafarroako Unibertsitate Publikoa, EHU Euskal Herriko Unibertsitatea, Nafarroako Unibertsitatea, Deustuko Unibertsitatea, Mondragon Unibertsitatea, Nafarroako Gobernua eta Iruñeko Udala dira.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna