GIZARTEA

Ertzaintza Errekaleorren da, eta argindarra moztu du

Bi pertsona atxilotu ditu Poliziak, eta auzoa babestera dei egin dute. Manifestazio jendetsua egin dute arratsaldean. Bideoa albistearen barruan.

Jendea eta Ertzaintza aurrez aurre Errekaleorren. /
Jendea eta Ertzaintza aurrez aurre Errekaleorren. / Juanan Ruiz/Argazki Press

Berria -

2017ko maiatzak 18

Bideoa: Errekaleor gaur goizean. (Gorka Rubio, Argazki Press).

2013ko irailean, unibertsitateko hamar ikasle sartu ziren Gasteizko Errekaleor auzoko 26. zenbakian. 32 atarietik 24 daude okupatuta, eta 130 pertsona bizi dira bertan, bizikidetza proiektu baten alde lan egiten.

Goizean goiz zabaldu dute bertaratzeko deia, Ertzaintza joateko eta argindarra mozteko mehatxua jasoa zutela eta. Jaurlaritzako Industria Sailaren ekimenez joan da Polizia, Iberdrolako teknikariak argindarra moztera zihoazela eta.

10:15 aldera joan dira hainbat polizia, eta dozenaka gazte batu dira bertan. Horiek mugiarazten hasi da Ertzaintza, eta, Errekaleor Bizirik taldeak jakinarazi duenez, gutxienez bi pertsona hartu dituzte atxilo. #ArgiIbiliErreka traolaren bidez ari dira zabaltzen gertatzen ari denaren berri.

EH Bilduk eta Ahal Dugu-k kontuak eskatu dituzte. "Gertartzen ari den hau justifikaezina da", esan du Ahal Dugu-k. Besteak beste, Mikel Otero EH Bilduko legebiltzarkideak salatu duenez, Ertzaintzak kazetari eta hautetsiei galarazi egin die auzora gerturatzea. Hala Bedi irratiak zabaldu duenez, bere kazetari bati sakelako telefonoa apurtu dio ertzain batek. Prentsa kreditazioa erakutsi dio hark, baina poliziak kendu egin dio.

2016ko martxoaren 17tik Errekaleorko etxebizitza guztien jabe da 21 Zabalgunea, udal hirigintza agentzia. Egun hartan, jatorrizko azken bi bizilagunek etxebizitza saldu zioten agentziari. Besteak beste, auzibide bat irekita dago 2013an 26. atarian sartu zirenen aurka.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna