euskara

Beñat Arrabit izendatu dute EEPko presidente

Euskal Elkargoko hizkuntza politikarako presidenteorde izendatu zuten otsailean. Mathieu Bergeren segida hartuko du.

Bob Edme

Ekhi Erremundegi Beloki -

2017ko uztailak 11

Beñat Arrabit izanen da EEP Euskararen Erakunde Publikoko presidentea ondoko hiru urteetarako. Pirinio Atlantikoetako departamenduaren eta Akitania Berriaren ondotik, Euskal Elkargoko ordezkari bati zegokion erakundeko buruzagitza. Mathieu Berge Akitania Berriko kontseilariaren segida hartuko du.

Otsailean, Euskal Elkargoko hizkuntza politikarako presidenteorde izendatu zuten Arrabit. "Argi da alde guzietatik begira izanen ditugula, baina ni ez naiz beldur: orri zuri bat dugu, istorio berri bat idatzi behar dugu; ez da perfektua izanen, baina aitzinatuko gara. Gure xedea da euskara bultzatzea, eta pentsaezina zen politika horren buru arduradunik jarri gabe hastea. Badakit ez dela erraza izanen, baina gogotik hartu dut", adierazi zuen garaian. EEPko presidentetzarekin, Ipar Euskal Herriko hizkuntza politika publikoa bere esku izanen da.

BERRIAri eginiko adierazpenetan "saila egituratzea" jarri du lehentasun gisa. "Definitu behar dugu zein izan behar den erakunde bakoitzaren funtzioa, bata bestearen gainetik aritu ordez elkarlanean aritu gaitezen". Euskal Elkargoari dagokionez, orain arte herri elkargo bakoitzak bere aldetik abiatutako lana Ipar Euskal Herri mailan gauzatzea izanen da lehen urratsa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna