Albistea entzun

Zinema

Altzoko 'Aundiya' 'Handia' izango da

Altzoko (Gipuzkoa) erraldoiaren istorioaren filmaren izenburua aldatu dute, hasierako izenaren inguruan eztabaida bat piztu ondoren.

Aitor Arregi eta Jon Garaño zuzendariak, Altzoko erraldoiaren istorioa errodatzen. /
Aitor Arregi eta Jon Garaño zuzendariak, Altzoko erraldoiaren istorioa errodatzen. / David Herranz/Moriarti

Ane Zurutuza Irastorza -

2017ko uztailak 13 16:11

Eztabaida sortu zen Altzoko herrian Aundiya filmaren izenburuaren inguruan. Jon Garaño eta Aitor Arregi zuzendariek Gipuzkoako herri horretan bizi izan zen erraldoiaren istorioa filmatu dute. Atzo jakinarazi zuten, gainera, urriaren 20an estreinatuko dela. Ez da izango, ordea, hasieran eman zioten izenarekin. Altzotarrak kexatu egin ziren, herri horretan ez dutelako aundiya ahoskatzen handia esateko, haundie baizik. Garañok gaur goizean jakinarazi du txio batean izena aldatzea erabaki dutela eta Handia izango dela azkenik filmaren izena.

Filmean, Migel Joakin Eleizegiren bizitza kontatuko dute; XIX. mendean ezagun egin zen, eta Altzoko Handia esaten zioten. Eleizegi Altzoko baserri batean jaio zen, 1818an. 20 urte zituela, gaitz batek jo zuen, eta etengabe hazten hasi zen, 2,42 metro luze izateraino; Europako gizonik garaiena izan zen. Horrek ospea eman zion, eta Europan zehar bidaiatzera eraman zuen, erakustaldiak egiteko. Anaiarekin egin zituen bidaia horietan, Aundiya izen komertziala erabili zuen, orduko zenbait agirik diotenaren arabera, eta horrexegatik aukeratu zuten Aundiya filmaren behin-behineko izen gisa.

Altzotarrek azpimarratu dutenez, aundiya ez da Tolosaldeko herri horretan erabiltzen den ahoskera, kostaldeko herrietan entzun daitekeena baizik. Bideoa: Handia pelikularen grabaketa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Plateruena: berriz zabalduko ditu ateak

Durangoko Plateruena kafe antzokiak berriz irekiko ditu ateak

Iñigo Astiz - Paulo Ostolaza

Udalarena izango da, baina kudeaketa publiko eta komunitarioa izango du; kultur mahai batek gidatuko du. Gune berriak hiru erpin izango dituela azaldu dute: euskara, kultura eta sorkuntza.

Harkaitz Cano idazlea, bere poema liburu berria esku artean duela, Donostian. ©Maialen Andres / Foku

Harkaitz Canok ‘Pozaren erdia’ poema liburua plazaratu du

Ainhoa Sarasola

Susarekin eman du lana argitara. 64 soneto bildu ditu idazleak, eta aitortu du «adiktiboa» egin zaiola hamalaudunaren egituran barneratzea.

 ©MARISOL RAMIREZ / FOKU

Aurtengo Durangoko Azokak argitu dezakeen argazkia

Itziar Ugarte Irizar

Digitalizazioaren aroak galdera ikur handiak ezarri ditu musikagintzaren sektorean. Nabarmen aldatu da musika banatzeko era, eta Durangoko Azokan ere gero eta begi-bistakoagoa da hori. Eredu bat agortzear sumatu arren, formatu fisikoaren aldeko jarrerari eusten diote gehienek.

Karmele Mitxelena eta Iñaki Cid Larrea, beren lan argitaratu berriak eskuetan, Donostian. ©GORKA RUBIO / FOKU

Karmele Mitxelenaren eta Iñaki Ciden lanak argitaratu dituzte

Itziar Ugarte Irizar

'Haragizko mamuak' du izenburu Mitxelenaren lehen narrazio liburuak, eta 'Behin batean Loiolan' antzerkiaren alorreko Ciden lanak. Donostia Hiriko Kutxa Literatura sariak irabazi dituzte biek, eta Elkarrek eman ditu lanok argitara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...