Hilberria

Hilik topatu dute Miguel Blesa Caja Madrideko presidente ohia

Polizia iturrien arabera, tiro bat du bularrean. Bere buruaz beste egin duela uste dute.

Blesa, artxiboko argazki batean. /
Blesa, artxiboko argazki batean. / Emilio Naranjo/EFE

Berria -

2017ko uztailak 19

Puerto del Toroko (Cordoba, Espainia) bere etxean zegoen lagun batzuekin, eta ehizatzera joatekoak ziren goizean goiz, baina Miguel Blesa ez da besteekin batera irten. Gero aurkitu dute haren gorpua. Lehen informazioen arabera, tiro bat du bularrean. Bere buruaz beste egin duela uste duela adierazi du Poliziak.

Caja Madrideko presidente izandakoari sei urteko espetxe zigorra jarri zioten joan den martxoan, txartel ezkutuen auziagatik. Dirua bidegabe erabiltzea egozten zieten hari eta harekin batera epaitutako beste 66 laguni, tartean Rodrigo Rato Espainiako Ekonomia ministro ohiari. Ordea, helegitea jarri zuen Blesak epaiaren aurka, eta azken erabakia heldu bitartean hura aske uztea ebatzi zuen Auzitegi Nagusiko laugarren aretoak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna