Hilberria

Mixel Thikoipe idazle, kantari, euskaltzale eta sindikalista amikuztarra zendu da

69 urterekin zendu da, gaur. Liburu bat baino gehiago zituen idatziak Amendüzeko (Nafarroa Beherea) idazleak.

Iñaki Etxeleku - Iparraldeko Hitza -

2017ko uztailak 19

Mixel Thikoipe pausatu da asteazken honetan, 69 urtetan. Kantari eta idazle gisa ezaguna zen Thikoipe. Sortzez Amendüzekoa zen, eta Maiatz argitaletxearekin liburuak plazaratu zituen Amikuzeko euskara ederrean: Hotz bero (2007), Gorrail azeria (2008), Jin bezala (2009). Hotz bero argitaratu zuenean, honela idatzi zuen Xan Aire BERRIAko kazetariak: “Idazle gaztea, baina biziaz dakien gizona, lanak eta urteek zizelkaturik, berriki erretretan sartua. Isilka bezala idazten zituen bere istorioak Mixel Thikoipek. Eta bizi-lagunari herabeki erakusten”. Bere haurtzaroa markatu zuen Le Roman de Renard liburua lehen aldiz osoki euskaratu zuen: Gorrail azeria.

Kantari eta musikaria ere bazen; bereziki, Jojo eta Bernadette Bordagarairekin osatu Pil-Pil taldean ari izana zen azken urte hauetan, eta, lehenago, Xorrotxak taldearekin. Hura zendu arte, Alixandre Bordagarai —Bernadette eta Jojoren aita— izan zuen kantari lagun.

Sindikalismoan engaiatua zen, halaber, eta langile borroka anitzetan parte hartu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna