Albistea entzun

Donostiako 65. Zinemaldia

'Handia' zinemaldiko Sail Ofizialean lehiatuko da

Jon Garañok eta Aitor Arregik zuzendutako filma Urrezko Maskorra irabazteko hautagaia izango da.

Eneko Sagardoi aktorea da filmeko protagonista
Eneko Sagardoi aktorea da filmeko protagonista Berria

Berria -

2017ko uztailak 28

Urriaren 20an estreinatuko dute filma zinema aretoetan, baina, horren aurretik, Urrezko eta Zilarrezko Maskorretarako lehian izango da filma. Altzoko Handiaren istorioan oinarrituta dago, eta Eneko Sagardoi du protagonista nagusia. Harekin batera ageri dira filmean Joseba Usabiaga, Ramon Agirre, Aia Kruse, Iñigo Aranburu eta Iñigo Azpitarte.

Orain dela hiru urte Donostiako Zinemaldian estreinatutako Loreak bezala, Handia Moriarti eta Irusoin etxeek ekoitzi dute.

Aitor Arregi zuzendariak gaur Euskadi Irratiari adierazi dionez, Donostiako Zinemaldia "jaialdi indartsua" da, eta baloratu beharra dago azkeneko lau urteetan euskarazko hiru film Sail Ofizialean aurkeztu izana —Asier Altunaren Amama izan zen 2015ean—. Egileak pozik daude emaitzarekin, baina baita jendeari erakusteko irrikan ere. "Guk askotan ikusi dugu, eta bada ordua jendeari erakusteko".

Orain dela hiru urte, Loreak aurkeztu zuten zinemaldian, eta, saririk irabazi ez bazuen ere, "indartuta" atera zen handik. Orain ere hala izatea nahiko lukete egileek, Arregik adierazi duenez.

Handia-rekin batera, Sail Ofizialean izango diren beste bi film iragarri ditu gaur Donostiako Zinemaldiak: Manuel Martin Cuencaren El autor eta Antonio Mendez Esparzaren Life and Nothing More. Martin Cuencak zinemaldian bertan aurkeztu zuen bere azken aurreko lana, Canibal, 2013. urtean.

Almandoz, Zabaltegi Tabakaleran

Sail Ofizialetik kanpoko hainbat film ere iragarri dituzte gaur goizean, eta tartean da Koldo Almandozen Plágan (Izurria) film laburra. Zabaltegi-Tabakalera sailean emango dute.

Borja Kobeagaren Fe de etarras filma, berriz, Belodromoan emango dute, eta han izango da, era berean, Operación Concha, Antoni Cuadrik zuzendu eta euskal ekoizpena (Abra produkzioak) duen pelikula.

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Epaileak, Bizkaiko Bertsolari Txapelketa epaitzen. ©GORKA RUBIO / FOKU

Bertsogintzaren matematika

Miren Mujika Telleria

Hainbat faktorek egiten dute posible bertsolari txapelketa bat, eta faktore horien artean dago, noski, epailetza. Hogeita bat epaile arituko dira hasi berri den txapelketan bertso bakoitzari puntuazioa ematen. Zein da, baina, puntu horiek gora edo behera egiteko neurgailua?
Gozategi taldearen kontzertua, Donostiako Aste Nagusian. ©Gorka Rubio

30 urte, baina beti gazte

Maria Ortega Zubiate - Gipuzkoako Hitza

Gozategi taldea 30. urteurreneko biran ari da aurten, eta plazetako harrera «ikaragarria» izaten ari dela dio Asier Gozategi soinu jotzaileak. Bihar Urnietan joko dute, eta urriaren 15ean, Zarautzen.

 ©IRUNE IZQUIERDO

Erretzaile damutuen konpainia

Berria

Aingeru Epaltzak hirurogei urteen talaiara iristen ari den kazetari bat jarri du 'Erretzaile damutuen konpainia' eleberri berriaren ardatzean: Edu Saragueta. Komedia garratz eta erotikoa, gizarte nahasi baten erretratua eta, batez ere, nobela beltz petoa osatu du.
Korri, Xalto eta Brinko animazio taldearen egitasmo bat bultzatuko dute. ©Hitza

Piztu METAk hamabost proiektu hautatu ditu

Berria

Egitasmoak sustatzeko finantzaketa kolektiboa hasiko dute. Gipuzkoako aldundiak 70.000 euro jarriko ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...