Albistea entzun

MEMORIA HISTORIKOA

'Pasaiako badia' dokumentala estreinatuko dute urriaren 24an

Pasaiako segadari buruzko ikerketa dokumentala Iruñeko Golem zineman proiektatuko da lehen aldiz. Gasteizko martxoaren 3ko gertakariak bilduko dituen pelikula ere bidean da. Urriaren 9an hasiko dira grabatzen gertakari horien gaineko filma.

'Pasaiako badia' dokumentala estreinatuko dute urriaren 24an
'Pasaiako badia' dokumentala estreinatuko dute urriaren 24an

Berria -

2017ko irailak 12 08:37

Euskal Herriko memoria historikoarekin lotutako bi pelikula zinema aretoetan izango dira aurki. Estreinalditik hurbil da 'Pasaiako badia' ikerketa-dokumentala. Urriaren 24an izango da lehen aldiz ikusteko aukera, Iruñeko Golem zineman. 1984ko martxoaren 22an Espainiako Poliziak Komando Autonomo Antikapitalistetako lau kide hil zituen Pasaian, eta han gertatu zenari buruzko kontakizuna egin dute Oinatzak Produkzioak taldeko kideek: Xabier Otamendik, Yuri Agirrek eta Erik Aznalek.

Egileek adierazi dutenez, "ikerketa lana, sakontasuna eta zorroztasuna" biltzen ditu dokumentalak, baita produktua erakargarria egiteko narrazio elementuak ere. Batzuetan, thriller pelikulen ezaugarriak hartzen ditu dokumentalak, egileen hitzetan. "Momentu intimo eta hunkigarriak" jaso dituztela iragarri dute.

Oinatzak produkzioak finantzaketa kolektiboari esker lortu du proiektua gauzatzea.

Bestalde, Gasteizen 1976ko martxoaren 3an izandako gertakariak bilduko dituen pelikula hasiko dira grabatzen urriaren 9an. Espainiako Polizia langile batzar baten kontra oldartu zenekoa eta bost langile erail zituenekoa kontatuko du Victor Cabacok zuzendu, eta Sonora Estudiosek eta Gariza Filmsek ekoitziko duten lanak. Gasteizen grabatuko da osorik. Pelikulak amodio istorio bat izango du oinarri.

Sustatzaileek adierazi dutenez, filma "beharrezkoa da, orduko indarkeria pairatu zutenekiko zorra ez delako kitatu erabat".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar bat, asteon, Donostiako areto bateko karteldegiari begira. ©GORKA RUBIO / FOKU

LEKUA EGIN NAHIAN

Ainhoa Sarasola - Ainize Madariaga

Zinema areto, jaialdi eta ziklo gehienetan, euskarazko filmen eta azpidatzien presentzia txikiagoa da beste hizkuntzetakoekin alderatuta. Hainbat eragilek azaldu dute pixkanaka kopuru hori handituz doala, baina ehunekoei erreparatuta, salbuespenak salbuespen, oreka lortzetik urrun dago oraindik.

Cordal, erakusketako lanetako batekin. ©Aritz Loiola / Foku

Egunero, atsedenik hartu gabe

Amaia Igartua Aristondo - Bizkaiko Hitza

Isaac Cordal artistak etengabe produktiboak izatearen beharra jorratu du ’24/7′ erakusketan. Bilboko SC Gallery aretoan dago ikusgai, hilaren 28ra arte.

Cat Power, azken diskoaren promozio argazki batean. ©MARIO SORRENTI

Bizitza bat bertsioetan

Alex Uriarte Atxikallende

Cat Powerrek 'Covers' albuma plazaratu du. Bere ibilbide musikalean funtsezkoak izandako 11 egileren kantuen bertsioak egin ditu, eta 'Hate' izeneko bere abestia berrinterpretatu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.