INDARKERIA MATXISTA

Gizon bat atxilotu dute Bokalen, Uztaritzeko hilketarekin lotuta

38 urteko gizonezkoa da atxilotua; haren aztarna biologikoak aurkitu zituzten Uztaritzeko etxean. Aurrekariak ditu lapurreta eta suntsiketagatik, eta arazo psikiatrikoak diagnostikatuak dizkiote. Hildako emakumea bortxatu egin zutela erakutsi du autopsiak.

Emakume hilik aurkitu zuten etxe inguruko biea, jendarmeek moztuta, joan den ostiralean.
Emakume hilik aurkitu zuten etxe inguruko biea, jendarmeek moztuta, joan den ostiralean. Aurore Lucas

Ekhi Erremundegi Beloki -

2017ko irailak 18

Baionako prokuradoreak jakinarazi duenez, 38 urteko gizon bat atxilotu dute igande eguerdian Bokalen, Uztaritzen hilda aurkitatutako emakumearen kasuan susmagarri gisa. Atzo arratsaldean eman zuen prentsaurrekoa, jendarmeriako buruez inguraturik. Adierazi dutenez, hildakoaren etxean bere aztarnak aurkitu zituztelako, joan den ostiraletik zebiltzan haren bila. Aurrekariak ditu lapurreta eta suntsiketagatik, eta arazo psikiatrikoak diagnostikatuak dizkiote —arazo horiegatik erietxean egona dela argitu du Samuel Vuelta Simon prokuradoreak—. Atxilotu dutenean, lapurtutako furgoneta batean zihoan, eta istripua izan du jendarmeria segika zuela. 

Prokuradorearen iritziz, lehen elementuek "haren inplikazioa erakusten dute", eta "a priori" ez dago beste susmagarririk. Hala ere, errugabetasun presuntzioa errespetatu behar dela azpimarratu du, eta instrukzioak erakutsi beharko duela zer gertatu zen eta zein izan zen gaur atxilotutako gizonaren parte hartzea.

Asteazken gauean agertu zen hilda Uztaritzen 23 urteko emakumea, ohean, hankak eta eskuak loturik, eta ahoan mozala zuela. Autopsiak erakutsi du hil aurretik bortxatu egin zutela. 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna