PILOTA

Zortzi urte eta hiru hilabeteko kartzela zigorra Mikel Goñiri

Epaileak erruduntzat jo du pilotari ohia, bi pertsona legez kanpo bahitzeagatik, eta pertsona horiei mehatxuak egin eta "objektu arriskutsu" batekin lesioak eragiteagatik

Berria -

2017ko irailak 19

Pertsona bati alokatutako etxean marihuana zuen Goñik, eta marihuana hori lapurtu izana leporatuta, pilotari ohiak eta beste pertsona batek etxean bizi zen laguna eta haren gertuko bat bahitu zituzten. Bahiketak iraun zuen denboran Goñik hainbat heriotza mehatxu egin zizkien, eta bihurkin batekin lesioak eragin. Akusazioak hamabi urteko zigorra eskatu zuen. Pilotari ohiak, ordea, salaketa guztiak ukatu zituen. Azkenean, zortzi urte eta hiru hilabeteko zigorra ezarri dio epaileak. Hala ere, Goñik badu oraindik aukera helegitea aurkeztu eta kartzela saihesteko. 

Goñi oso gaztetatik nabarmendu zen pilotan, eta hala, 1996an, 18 urterekin Aspe enpresak profesionaletan debuta egiteko aukera eman zion. Partida bikainak partida eskasekin tartekatu zituen hainbat urtez, 2002an Aspek drogak kontsumitzeagatik lehiaketatik kanpo utzi zuen arte. Pilotalekuetara itzuli zen gero, baina 2009an behin-betiko utzi zuen Aspe, eta bide batez, goi mailako lehiaketa. Ordutik Garfe enpresarekin aritu da jokatzen. 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna