Kataluniako Erreferenduma

Hiru ferry bidali ditu Madrilek Kataluniara, segurtasun indarren errefortzuak hartzeko

Guztira, 3.800 bidaiari hartzeko gaitasuna dute ferryek. Horietako bi Bartzelonan daude, eta bestea Tarragonan. Bi portuetako zamaketariek uko egin diote itsasontzi horiei zerbitzu emateari.

Berria -

2017ko irailak 21

Urriaren 1eko erreferenduma eragozteko segurtasun indarren errefortzuak bidali ditu Espainiako Gobernuak Kataluniara. Polizia eta guardia zibilei eman die Kataluniara joateko agindua. Hainbat hedabide eta berri agentzien arabera, milaka lirateke Kataluniara bideratutako agenteak.

Segurtasun indar gehigarriei ostatu emateko, hiru ferry kokatu ditu Madrilek Kataluniako portuetan. Bi Bartzelonan daude, eta beste bat Tarragonan. Bartzelonako portuan daudenak bi itsasontzi italiar dira. Moby Dada izenekoak 1.000 pertsona baino gehiago hartzeko ahala du, eta Rhapsody izenekoak, berriz, 2.000 bidaiari har ditzake. Tarragonako ontziak 800 pertsona hartzeko gaitasuna du.

Bartzelonako zamaketariek uko egin diote Bartzelonako portuan segurtasun indarrak hartuko dituzten bi ontziei zerbitzu ematea, eta erabakiaren berri eman ostean, neurri bera hartzea adostu dute Tarragonako zamaketariek ere.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna