Kataluniako erreferenduma

Kepa Urraren torturen auzian nahastutako guardia zibiletako bat jarri nahi du Madrilek mossoen buru

Barne Ministerioko goi kargudun izendatu zuten Cobos 2006an, eta Segurtasunerako idazkaria da gaur egun.

Perez de los Cobos, artxiboko irudi batean. /
Perez de los Cobos, artxiboko irudi batean. / Jorge Zapata/EFE

Berria -

2017ko irailak 23

Kepa Urraren torturen auzian nahastuta egon zen Diego Perez de los Cobos, egun Guardia Zibileko koronela eta Barne Ministerioko Segurrtasunerako idazkaria dena, eta absolbitu egin zuten.

1992ko urtarrilaren 29an atxilotu zuten Urra, eta hurrengo eguneko goizean eraman zuten erietxera, bihotzeko arritmiak zituela eta. Hark jasotako torturak jaso zituzten Nazio Batuen Erakundeko bi behatzailek Amnistia Internazionaleko txosten batean. Arritmiez gain, kolpe ugari zituen gorputzean.

1997an, launa urteko espetxe zigorra ezarri zien Bilboko Lurralde Auzitegiak hiru guardia zibili, Urra torturatzeagatik. Auzitegiak ebatzi zuen Urra, kuartelera eraman aurretik, zelai batera eraman eta bertan "biluztu, jo eta harrastaka" eraman zutela.

Ospitalean zela, Urrari tratu txarrak ematea egotzi zioten Cobosi, baina auzitegiek absolbitu egin zuten.

Koronelaren anai Francisco, berriz, Auzitegi Konstituzionaleko presidente izandakoa da, eta Fuerza Nueva eskuin muturreko erakundeko kidea dute aita.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna