Zinemaldia

'The disaster artist' filmak irabazi du Urrezko Maskorra

Epaimahaiaren sari berezia Handia filmak eraman du, baita Irizar saria ere. Oso pozik eta hunkituta mintzatu dira Jon Garaño eta Aitor Arregi zuzendariak, eta "etxekoei" eta "laguntzaile guztiei" eman dizkiete eskerrak.

James Franco, 'The disaster artist' filmeko zuzendaria
James Franco, 'The disaster artist' filmeko zuzendaria Efe

Urtzi Urkizu -

2017ko irailak 30

Ameriketako Estatu Batuetara joan da 65. Donostiako Zinemaldiko sari nagusia. James Francok zuzendutako lanak eraman du Urrezko Maskorra.

Zuzendari onenaren saria Anahi Berneri zinemagilearentzat izan da, Alanis filmarengatik. Argentinakoa da lana eta zuzendaria.

Aktore onenaren saria Bogdan Dumitrachek (Pororoca) eta Sofia Gala Castiglionek (Alanis) eraman dute.

Gidoi onenaren saria Diego Lermanen Una especie de familia filmarentzat izan da.

Argazki onenaren saria The Captain filmak jaso du.

Irizar saria Jon Garañoren eta Aitor Arregiren Handia filmak eraman du. Euskarazko pelikulak Epaimahaiaren Saria ere jaso du.

Zabaltegi-Tabakalera saria Clement Cogitore zinemagilearen Braguino filmarentzat izan da. Siberiako taigan kokatutako istorio bat kontatzen du.

Horizontes Latinos saria Marcela Saiden Los perros filmari eman diote. Kutxabank-Zuzendari Berriak saria Marine Francen zuzendariaren Le Semeur filmak jaso du.

Beste sari batzuei dagokienez, Gazteriaren Eroski Saria Laura Moraren Matar a Jesús filmak eraman du. Donostia Hiria Publikoaren Saria, berriz, Three billboards outside ebbing, Missouri pelikularentzat izan da. Signis saria Life and nothing more filmarentzat izan da.

Zinema Ikasleen Nazioarteko XVI. Topaketako Panavision Saria Boaz Frankelen 212 filmarentzat izan da. Cine en Construcción saria Ferrugam sariak eraman du.

TVE Otra Mirada saria Xavier Legranden Jasqu'a la garde filmak eraman du. Film horrek Publikoaren Europako film onenaren saria ere jaso du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna