Euskal presoak

Europako Parlamentuak presoen urruntzea salatu du

Bergeron txostena onartu du, eta bertan agertzen dira, besteak beste, presoen urruntzeari eta gaixo handi diren presoei buruzko aipamenak

Berria -

2017ko urriak 5

Europako Parlamentuak presoen urruntzea salatu du, «haien senitartekoei ezarritako zigor gehigarria» delako, eta kide diren estatuei eskatu die gaixotasun larriak dituzten presoen kasuan «haien zigorrak berriro aztertzeko aukera aintzat hartzeko».

Europako estatuen kartzelen egoera eta baldintzen inguruko Bergeron txostena izenekoa onartu du Parlamentuak, eta han, EH Bilduk proposaturik, agertzen dira presoen urruntzeari eta gaixo handi diren presoei buruzko aipamenak. EH Bilduko eurodiputatu Josu Juaristik «oso albiste ontzat» jo du bozketaren emaitza. Onartutakoa ez da txosten legegilea eta, hortaz, ez da estatuek derrigorrez bete beharrekoa, baina lehenengo urratsa da Europan presoen giza eskubideak arautzeko bidean. Txostena alde handiz onartu da: 474 boto alde, eta soilki 109 aurka.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna