Alfredo Remirez espetxean sartu da, Basaurin

Urtebeteko kartzela zigorra bete beharko du, euskal preso bat irudikatzen zuen panpin bat erakusteagatik Amurrioko festa batzuetan.

Amurrion ostiral iluntzean egin zuten manifestazioa.
Amurrion ostiral iluntzean egin zuten manifestazioa. Marisol Ramirez / Argazki Press

Berria -

2017ko azaroak 4

Atzo manifestazioa egin zuten Amurrion (Araba), eta ehunka eta ehunka lagunen babesa jaso zuen Alfredo Remirezek, eta gaur Basauriko espetxean sartu da, 18:36 zirenean.

2005eko Amurrioko festetako txupinazoan panpin bat atera zuen, euskal preso bat irudikatzen zuena, eta urtebeteko kartzela zigorra eman zion Espainiako Auzitegi Nazionalak orduan.

Hamabi urte geroago, 2017an, Twitterren "terrorismoa goratzea" egotzita epaitu eta zigortu egin zuten. Kartzela zigorra saihesteko, defentsak onartu zuen urte eta erdiko kartzela zigorra eta hamalau urte eta erdiko inhabilitazioa.

Auzitegi Nazionalak, ordea, bigarren zigor hau baliatu du, Remirezen lehen delitua ez zenez, 2005eko zigorra betearazteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna