AHT

“Tren sozial eta parte hartzailea” aldarrikatu dute ehunka lagunek Iruñean

Herri eta eskualdeak lotuko dituen trena eskatu dute gaur arratsaldean, Trena bai, AHT ez. Herriak erabaki! lelopean, Trenaren Aldeko Ekinbideak plataformak antolatutako manifestazioan. Plataformako kide Julio Villanuevak iragarri duenez, datozen asteetan protesta ekintza gehiago egingo dituzte.

Iruñean egin duten manifestazioa. /
Iruñean egin duten manifestazioa. / Jagoba Manterola/Argazki Press

Naiara Elola -

2017ko azaroak 11

Arratsaldeko bostak pasatuta atera da, Gazteluko plazatik, abiadura handiko trenaren aurkako manifestazioa. Herritarrez gain, zenbait alderdi politiko, sindikatu eta gizarte eragileetako ordezkariek ere hartu dute parte, tartean, EH Bilduko parlamentari Adolfo Araiz, Ahal Dugu-ko idazkari nagusi Eduardo Santos, Ezkerrako Marisa de Simon eta ELAko Nafarroako koordinatzaile Mitxel Lakuntza.

“Amalurra defenda dezagun” eta “Trena bai, AHTrik ez” oihukatuz osatu dute Gazteluko plazatik Merindadeetara eta ondoren Sarasate pasealekurainoko bidea. Rakel Alvarez Tafallako EH Bilduko zinegotziak irakurri du manifestazioa antolatu dutenen artean adostutako adierazpena. Azaldu duenez, abiadura handiko trenaren aurka egiteko “hamaika arrazoi” daude. “Pribilegiatu batzuk trenean minutu gutxi batzuk lehenago iristeko, gizartearen zati handi batek pairatu beharko ditu murrizketak”, ohartarazi du. Hala, oraindik proiektua bertan behera uzteko “garaiz” daudela iritzita, Nafarroako Gobernuari eztabaida soziala ahalbidetzeko galdegin dio. Izan ere, jakinarazi du eskualdeak modu “eraginkor eta merkean” lotuko dituen trena behar dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna