NUP

Espainiako armadaren "propaganda kanpaina" laguntzea leporatu diote NUPi

Indar armatuak Espainiako konstituzionalismoaren historian izeneko jardunaldia antolatu du Nafarroako Unibertsitate Publikoak, azaroaren 22rako eta 23rako, Espainiako Defentsa ministerioarekin eta Banco Santanderrekin batera. Hainbat eragilek protesta egin dute gaur, armadari "aurpegia garbitu" nahi diotela salatzeko.

Militarrek datorren astean NUPen egingo dituzten jardunaldiengatik protesta egiteko elkarretaratzea. /
Militarrek datorren astean NUPen egingo dituzten jardunaldiengatik protesta egiteko elkarretaratzea. / Jagoba Manterola/Argazki Press

Berria -

2017ko azaroak 14

Militarrak unitik at leloarekin, elkarretaratzea egin dute gaur LABek, ELAk, CGTk, LKNk, Ikasle Abertzaleek, Eraldatuk, Asamblea Libertariak, Talde Feministak, Akelarre Emakume Taldeak eta NUPen Euskaraz elkarteak. Espainiako armadaren "propaganda kanpainan laguntzea" egotzi diote NUPi, eta "indarkeria ikasgela barruan normalizatzearen aurka" agertu dira.

"Armada patriarkatuari, autoritarismoari eta beste hainbat balio atzerakoiri eusten dion erakundea da", adierazi dute. Eragileek ohartarazi dute armadak unibertsitateko ezagutza erabili nahi duela "armen negozioen zerbitzura jartzeko", eta jardun hori "gutxi batzuen irabaziaren iturria eta askoren erabateko malurarena" dela salatu dute. Eragileen iritziz, "lotsagarria" da NUPek armadari "ateak irekitzea".

Arrazoi horiek direla eta, NUPeko errektore Alfonso Carlosenari galdegin diote jardunaldiak bertan behera utz ditzala, gezurrezko "irudi idilikoa" eskaini nahi duela argudiatuta. Unibertsitateko komunitate osoari, berriz, jardunaldiak arbuiatzera dei egin diete.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna