Nigeria

Gutxienez 50 hildako eragin ditu atentatu suizida batek Nigeria ekialdean

Goizeko lehen otoitza egiten ari zirela eraso diote meskitari.

Boko Haramek maiz egiten ditu erasoak Nigerian. Irudian, Maiuguri. YUSUF MUSA, EFE
2017ko azaroaren 21a
17:00
Entzun

Mubi herrian izan da erasoa, Nigeria ekialdean. Polizia iturrien arabera, meskita barruan zegoen gazte batek gainean zeramatzan lehergailuak zartarazi ditu, goizaldeko bostak aldera, lehen otoitza egiten ari zirela. Iturri ofizialen arabera, gutxienez 50 dira hildakoak, eta dozenaka zaurituak, horietako batzuk oso larri.

Lerro hauek idazteko unean inork ez zuen bere gain hartu erasoa. Badira hiru urte Mubin halako erasorik egiten ez zutela. Herria Boko Haramen kontrolpean egon zen 2014ra arte. Talde horrek maiz egiten ditu atentatuak jende asko biltzen den tokietan.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.