Parlamentuan gehiengoa duen Zimbabweko Batasun Afrikar Nazionala-Fronte Patriotikoak hartu du erabakia, eta dagoeneko jakinarazi diote Emmerson Mnangagwari. Presidenteorde izandakoa erbestean bizi izan da azaro hasieran Mugabek kargugabetu zuenetik, eta gaur zen Zimbabwra itzultzekoa, etzi kargua hartu ahal izateko.
Kongresuko presidente Jacob Mudendak jakinarazi du albistea eta iragarri du dagoeneko hasi dituztela prestakizunak behin-behineko presidentea izendatzeko. Estatuburu berriak kargua hartu bitartean, orain arte presidenteorde izan den Phelekezela Mphokok kudeatuko du herrialdea.
NewsDay atariari eginiko adierazpenetan Mnangagwarik nabarmendu du Mugaberen dimisioarekin "une historikoa" bizi duela herrialdeak, eta eskerrak eman zizkien herritarrei. Bide batez, iragarri zuen prest dagoela "demokraziarako trantsizio baketsu " batean laguntzeko.