Euskal presoak

Ibon Iparragirre "bihar edo datorren astean" hil daitekeela ohartarazi dute medikuek

Segurtasunerako estatu idazkariak ukatu egin du "hiltzeko arriskuan" den presorik dagoela.

Iparragirreren aldeko elkarretaratzea egin dute Bilbon, Espainiako Gobernuaren ordezkaritza aurrean. /
Iparragirreren aldeko elkarretaratzea egin dute Bilbon, Espainiako Gobernuaren ordezkaritza aurrean. / Luis Jauregialtzo/Argazki Pres

Arantxa Elizegi Egilegor

2017ko azaroak 23

Ibon Iparragirreren egoera "mugara" heldu dela salatu dute Sarek eta Etxerat-ek Bilbon egin duten elkarretaratzean. Angelita Burgoa amak jakinarazi du euskal presoa artatzera joandako mediku guztiak bat datozela "bihar edo datorren astean" hil daitekeela, eta "berehalakoan" utzi behar dutela aske. "Castro epailearekin hitz egin dute, baina hark ez die kasurik egiten".

Protestan parte hartu dute ELA, LAB, CCOO, Steilas, Hiru, UGT, Exalde, ESK eta EHNE sindikatuetako ordezkariek. "Ez dugu onartuko Ibon Iparragirre espetxean hiltzea; berehala askatu behar dute", adierazi du Garbiñe Aranburu LABeko idazkari nagusiak.

Madrilen ere preso ondarroarraren egoera izan dute hizpide Senatuko barne gaietarako batzordean. EH Bilduko senatari Jon Iñarrituk egin dio galdera Segurtasunerako estatu idazkari Jose Antonio Nietori. Iñarrituk salatu du kartzeletako zaintzako arduradunak eta Jose Luis Castro epaileak elkarri egozten diotela ardura, eta bitartean presoaren egoerak okerrera egiten jarraitzen duela.

Nietok, ordea, presoaren bizitza "arriskuan" dagoela onartu duen arren, zehaztu du Iparragirre bera dela botikak hartzeari uko egin diona, eta tratamenduari berriz ekingo balio "gaixotasunari eutsi eta bizitza luzea eduki" ahalko lukeela. Bidez batez, ukatu egin du "hiltzeko arriskuan" den presorik dagoela Espainiako espetxeetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna