Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Literatura

Mendia dute "gertaleku" Aingeru Epaltzaren 'Mendi-joak' liburuko ipuinek

Lau urte igaro dira 'Erresuma eta fedea' trilogiaren hirugarren nobela kaleratu zuenetik; XVI-XVII. mendetik gaur egunera jauzi egin du, eta mendia eta mendizaletasuna erabili ditu gaur egungo gizartearen hainbat aje islatzeko.

BERRIA

Gorka Erostarbe Leunda -

2017ko azaroak 28 12:51

Mendian edo mendizaletasunean girotu eta oinarrituriko hamar ipuin bildu ditu Aingeru Epaltzak Mendi-joak (Elkar) ipuin liburu berrian. Mendizalea da Epaltza bera, mendizaletasuna "ia obsesiboki" bizi duena. "Hala ere, nik literatura ez dut ulertzen gatazkarik gabe, eta egungo gizartearen arazoak azaltzeko mendizaletasuna egokia dela iruditzen zitzaidan, mendizaletasunaren bidez azal baitaitezke kontsumismoa, elkartasun eza, matxismoa, nagusikeria, enpatia falta...". Mendizaletasuna bera izan liteke "patologia bat", idazlearen hiztetan. "Zaletasuna bihur liteke obsesio. Eta nik ere obsesio hori bizi dut"

Ipuinetako asko kokatu ditu bere mendigune gogokoenetan, Aralar-Malloetan, Nafarroako nahiz Frantziako Pirineoetan, eta Marokoko Atlasetan. Ipuin bakarra kokatu du inoiz egon gabeko mendi batean, Kilimanjaron, hain zuzen ere. Gisa guztietako ipuinak idatzi ditu. Badira nobela txiki baten luzera izan dezaketenak, 50 orri ingurukoak, eta badira 10 orritara iristen ez direnak ere. Lehen pertsonan idatzitakoak, hirugarren pertsonan onduak eta baita bigarren pertsonan osatuak ere. "Beldur nintzen protagonista gehienek nire antza handiegia izango ote zuten, hau da, 60 urte ingurura hurbiltzen ari den gizon batena, zeinak bikotea duen eta guraso den. Horregatik, bestelako pertsonaiak ere eraiki nituen, emakumezkoak eta baita haurren bat ere". 

Erdi-Aroan kokaturiko trilogia idatzi ondoren "desintoxikatu" beharra zuen Epaltzak. "Horretarako mendirako joera berreskuratu eta idatzi egin dut. Eta idatzi dut oso bestelako tonuan. Hizkera ere desberdina da".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Durangoko Azokarako prestaketa lanak, Landakon. / ©Jon Urbe, Foku

Txandaka, baina Landakon

Ainhoa Larretxea Agirre

Txanda sistema sortu dute Landako gunean eta Plateruenan sartzeko. Txanda bakoitzean 1.200 lagun sartuko dira, eta egunean bortz izanen dira.

Aurten ere BERRIAk postu bat izango du Durangoko Azokan. / ©Marisol Ramirez, Foku

Uzta berria ondu du BERRIAk

Ainhoa Larretxea Agirre

Besteak beste, Joan Mari Torrealdaik zendu aitzinetik idatziriko azken liburua eramango du BERRIAk Durangora: 'Egunkaria, gizarte zibilaren arrakasta'.

Berri Txarrak-en liburuaren aurkezpena Ahotsenean, 2019ko Azokan. / ©Marisol Ramirez, Foku

Azokari arnasa ematen diotenak

Ainhoa Larretxea Agirre

Zazpi espaziok osatzen dute Durangoko 56. Azoka: Ahotsenea, Irudienea, Talaia, Kabi@, Saguganbara, Azoka TB eta Szenatokia. Ahotsenean egiten diren aurkezpenak zuzenean emango ditu Azoka TBk

Nerea Mujika Gerediaga Elkarteko zuzendaria eta Leire Urbeltz artista, kartela eskuetan. / ©Monika del Vall, Foku

Iraganari erreferentzia eginez

Ainhoa Larretxea Agirre

Leire Urbeltz artistak egin du Durangoko Azokako kartela, aurten. Kili-kili aldizkariko pertsonaia nagusia egokitu du queer ukitua emanda.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.