Noiz sortua: 2017-11-29 13:30:23

Mundua

Europa eta Afrika, desorekari irtenbidea eman beharrean

Gaur eta bihar egingo dituzte bilerak Europako Batasunak eta Afrikako Batasunak, Abidjanen, Boli Kostan.

Afrikako hamarnaka herritar etorkinak behin-behinean hartzeko zentro batera iristen, Melillan (Espainia). /
Afrikako hamarnaka herritar etorkinak behin-behinean hartzeko zentro batera iristen, Melillan (Espainia). / Francisco G. Guerrero/EFE

Berria -

2017ko azaroak 29

Europa zahartuz doan neurrian gaztetzen ari da Afrika, eta gero eta gazteagoa eta jendetsuagoa izango da, gainera, eta iparralderako emigrazioa, handiagoa. 1.200 milioi pertsona bizi dira, munduko biztanleen %15, eta 2050ean 2.400 milioi izan ditzake. Europako Batasunak, berriz, inbertsio handiak ditu Afrikan: hidrokarburoak, ikatza eta eguzki energia behar ditu, beste gauza askoren artean, eta ustiaketa egiten jarraitzeko itsas eta lur ibilbide seguruak ere bai. Egoera horri aurre egiteko, beraz, hobetu eta egonkortu egin behar du harremanak, baina desorekak eta Europaren nagusitasunak ez ditu errazak egiten Europako Batasunaren eta Afrikako Batasunaren arteko hitzarmenak: oso mantso jartzen dira indarrean hartutako erabakiak, eta maiz alferrikakoak izan dira.

Premiazko erantzunak behar dituzte, ordea. Migrazioa da mahai gainean dagoen gai nagusietakoa. Batetik, emigrazioa geldiarazteko sorlekuetan inbertsioak bultzatu nahi ditu EBk, eta baita segurtasunari dagozkionak ere, Europako merkatuak behar dituen ibilbideak ziurtatzeko. Baina herri askotako gobernu ahulak edota gerrek ez dute erraz egiten proiektuak bideratzea, eta iparraldera ez iristeko segurtasun tapoiek, hau da, herrialdeetako mugetan segurtasuna indartzeko inbertsioek, ez dute arazoa konpontzen, gerratik edo pobreziatik ihesean dabiltzan herritarrek beste bide batzuk bilatzen dituztelako, are arriskutsuagoak, mafien esku daudelako. Hor dago azkenaldian plazaratu den adibide krudelenetako bat: Saharaz hegoaldeko emigranteek jasaten dituzten esplotazioa eta esklabotza, bizitza hobea aurkitzeko zeharkaldian. 

Bileraren lehen puntua, beraz, Afrikako gazteentzako inbertsioa izango da: nola eman ikasteko eta garatzeko aukera, eta nola sortu lanpostuak, euren herrietan gera daitezen. Horrez gainera, beste gai hauek ere landuko dituzte:

Bakea eta segurtasuna.

Gobernagarritasuna, giza eskubideak, migrazioa eta mugikortasuna.

Inbertsioa eta merkataritza.

Eskumenen garapena.

Merkataritza askea. Bi kontinenteen arteko merkataritza askea bultzatzeko aurrerapausoak egitea izango da goi bileraren beste egiteko bat. Nigeriaren ezezkoa da gaur egun oztopo nagusia, eta akordioa egiteko kide guztiek onartu behar dute. Nigeria inguruko ekonomia indartsuenetakoa da, eta baldur da bere manufaktura industriaren kalterako izango dela, eta oro har ekonomia osorako, ez litzatekeelako gai izango atzerriko lehiari aurre egiteko.

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek.

Bertsolari baten silueta agertokiaren gainean. ©JON URBE/FOKU - IRUDIAREN MOLDAKETA: BERRIA

Arnasa nori eman eta nori ez

Aitor Biain

Kultur eragileek begi onez hartu dituzte itxialdiak eragindako kalteei aurre egiteko erakundeek bideratutako laguntzak. Jasotzeko baldintzek eta adjudikazio prozedurak kezka eragin dute, ordea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna