TV3ek ezin izan du zuzenean eman Bruselako manifestazioa

"Aniztasun politikoa" argudiatuta ezarri dio debekua Espainiako Hauteskunde Batzordeak.

Puigdemont, Bruselako manifestazioaren buruan. TV3ek ezin izan du zuzenean eman. /
Puigdemont, Bruselako manifestazioaren buruan. TV3ek ezin izan du zuzenean eman. / Stephanie Lecocq,EFE

Berria

2017ko abenduak 7

Espainiako kate pribatuek eman dituzte Bruselan egin duten manifestazio erraldoiaren irudiak, baina ez, ordea, Kataluniako telebista publikoak TV3ek. Izan ere, Espainiako Hauteskunde Batzordeak debekatu egin dio, argudiatuz kanpaina hasia izanik "aniztasun politikoa errespetatu" behar duela.

Telebista publikoko inofrmatiboetako buruak bere Twitterreko kontuan azaldu ditu manifestazioa zuzenean eman ez izanaren arrazoiak. Txioan Bassak "mingarri" jo du erabakia, batez ere kazetaritzaren ikuspegitik, eta jakinda Espainiako kate pribatuek euren irakurketa egingo dutela.

Ciudadanosek jarritako kexa baten ondotik etorri da manifestazioa zuzenean emititzeko debekua. Oharrean alderdiak salatu du azaroaren 11n preso politikoak askatzearen aldeko protesta zuzenean eman zuela telebista publikoak. Aldi hartan Kataluniako Hauteskunde Batzordeak iritzi zion emisioak ez zuela urratzen "aniztasun politikorako printzipioa". Ordea, Espainiako batzordeak kontrako irizpidea hobetsi zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna