Noiz sortua: 2017-12-13 14:15:14

ZINEMA

Hamahiru hautagaitza eskuratu ditu 'Handia'-k Goya sarietarako

Pelikula onenaren, zuzendari onenaren, jatorrizko gidoi onenaren eta jatorrizko musika onenaren sariak eskura ditzake, besteak beste. Aktore berri onenaren saria eskura dezake Eneko Sagardoik, eta animaziozko film onenaren saria 'Nur eta herensugearen tenplua'-k.

Eneko Sagardoi, 'Handia' filmeko une batean
Eneko Sagardoi, 'Handia' filmeko une batean BERRIA

Maialen Unanue Irureta -

2017ko abenduak 13

Hamahiru kategoriatan izendatu dute Aitor Arregi eta Jon Garañoren Handia pelikula. Hamahiru hautagaitza eskuratu ditu: pelikula onenarena, zuzendari onenarena (Arregi eta Garaño), jatorrizko gidoi onenarena (Arregi, Andoni de Carlos, Garaño eta Jose Mari Goenaga), jatorrizko musika onenarena (Pascal Gaigne), aktore berri onenarena (Eneko Sagardoi), produkzio zuzendaritza onena (Ander Sistiaga), argazki zuzendaritza onena (Javier Agirre Erauso), muntaketa onena (Laurent Dufreche eta Raul Lopez), zuzendaritza artistiko onenarena (Mikel Serrano), jantzi diseinu onena (Saioa Lara), makilaje onena (Ainhoa Eskisabel, Olga Cruz eta Gorka Agirre), soinu onenarena (Iñaki Diez eta Xanti Salvador) eta efektu berezi onena (Jon Serrano eta David Heras). Juanba Berasategiren azken filmak, Nur eta herensugearen tenplua-k, animaziozko film onenaren hautagaitza lortu du.

Hamahiru hautagaitzekin Goya sarietarako faboritoen artean da Handia; Isabel Coixeten La libreria da beste faborito nagusia, hamabirekin. Pelikula onenaren kategorian El autor, Estiu 1993, La librería eta Verónica filmeekin lehiatuko da Handia; zuzendari onenaren kategorian, Martin Cuenca (El autor), Coixet (La librería) eta Paco Plazarekin (Verónica) lehiatuko dira Arregi eta Garaño. Pol Monen (Amar), Eloi Costa (Pieles) eta Santiago Alverúrekin (Selfie) lehiatuko da Sagardoi aktore berri onenaren kategorian.

Otsailaren 3an banatuko dituzte sariak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna