Gizartea

Gerraren negozioa eta "lotsaren horma" salatu ditu mugimendu feministak Bilboko Portuan

Ehunka emakumek protesta martxa egin dute gaur goizean Santurtzitik Bilboko Porturaino. Hogei bat manifestari portuko hesira kateatu dira martxaren amaieran.

Manifestariak Santurtzitik Bilboko Portura arteko martxan. /
Manifestariak Santurtzitik Bilboko Portura arteko martxan. / Marisol Ramirez/Argazki Press

Gorka Berasategi Otamendi -

2017ko abenduak 16

Mobilizazio jendetsua izan da Euskal Herriko Mugimendu Feministak gaur goizerako antolatu duena. Ehunka emakumek egin dute Santurtzi eta Bilboko Portuaren arteko bidea oinez, protestan.

Hain zuzen, Bilboko Portutik Arabia Saudira bideratzen diren gerra armen negozioa salatu dute; baita portuan lau metroko garaierako horma bat eraikitzeko proiektua ere. "Lotsaren horma" izendatu dute, Erresuma Batura doazen ferryetan ezkutuan sartu nahi duten migranteei bidea mozteko eraiki asmo delako.

Feministok gerraren aurka lelopean, 11:00etan abiatu da martxa Santurtzitik, eta ibilbidearen amaieran hogei bat emakume kateatu dira portuko hesira. Manifestariek Bilboko Portuari galdegin diote ez dezala "mugen sorreran lagundu". Adierazi dutenez, nahiago lukete "portuko agintaritzak eta Eusko Jaurlaritzak horma hau altxatzeko muga politiken mesedetan eta portu honetatik pasatzen diren armak babesteko erabiltzen dituen baliabideak indarkeria matxistari aurre egiteko erabiltzea".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna