Albistea entzun

155 artikulua

Saenz de Santamaria: "155arekin, tentsioa eta kezka murriztu da"

Osteguneko hauteskundeen gardentasuna bermatuta dagoela adierazi du Espainiako Gobernuko presidenteordeak.

Soraya Saenz de Santamaria, Espainiako Senatuan.
Soraya Saenz de Santamaria, Espainiako Senatuan. Emilio Naranjo / EFE

Jon O. Urain -

2017ko abenduak 18 11:22

Espainiako Senatuak onartu zuenez gero Katalunian Espainiako Konstituzioaren 155. artikulua ezartzea, bertan eman ditu 155aren ezarpenari buruzko azalpenak Soraya Saenz de Santamaria Espainiako Gobernuko presidenteordeak. Datorren osteguneko hauteskundeen gardentasunari buruzko zalantzak uxatu nahi izan ditu, esanda zalantza horiek “oinarririk gabeak” direla eta egindako simulazio batean ez dela arazorik egon: “Beste prozesu batzuetako pertsona berdinak dira, dena normaltasunaren barnean eta aurreikusitako epeetan”.

Gainera, uste du dudak zabaldu nahi izan direla “hautetsontziek eman dezaketen emaitzen beldur”. Kataluniak berezko hauteskunde legeriarik ez duenez, Espainiako Hauteskunde Lege Organikoaren arabera egingo dira bozak, Saenz de Santamariak gogorarazi duenez. Halaber, harro agertu da Madrilek Diplocat Kataluniako diplomazia erakundea desegin duelako: “10 milioi euroko kostua zuten, eta, bitartean, erietxeetako solairu osoak ixten zituzten”.

Joan den ostiralean, ministroen kontseiluak onartu zuen ogasun sistema katalana eratzeko zenbait neurri baliorik gabe uztea: “Ustezko estatu egiturak marketin independentistarako egoitzak ziren”. Horrekin batera, 155aren ezarpenaren normaltasuna azpimarratu du: “Gobernua kargugabetu genuen, baina administrazioko langileek lanean jarraitzen dute, legea eta 155a onartzea erabaki zutelako”.

Saenz de Santamariari erantzunez, Josep Lluis Cleries PdeCATeko senatariak edgotzi dio “demagogia” egitea eta Katalunia “suntsitzen” saiatzea. Adibide gisa jarri du Sixenako artelanak Kataluniatik kanpo eraman izana.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernando Grande-Marlaska Espainiako Barne ministroa, gaurko agerraldian, Espainiako Kongresuan ©J.C. Hidalgo / EFE

Grande-Marlaskak berriz esan du Espainian ez zela inor hil Melillako hesia igarotzeko ahaleginean

Ander Perez Zala

Espainiako Barne ministroak Guardia Zibila defendatu du, argudiatuta segurtasun indarren erantzuna «proportzionala» izan zela. Ikerketa batzuen arabera, gutxienez lagun bat hil zen Espainian sartzean.

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.