Poliziak jakinarazi duenez, autobusa Huara hiritik atera zen Limarantz atzo, eta kamioi batekin talka egin ondoren amildegitik erori zen. Bruno Giuffra Garraio ministroaren arabera, GPS sistemen datuek adierazi dute gehiegizko abiaduran zihoazela bi ibilgailuak. Erreskate taldeak egun osoan aritu ziren lanean zaurituak eta gorpuak ateratzeko.
Istripuaren guneari Deabruaren bihurgunea erraten diote Perun, eta hango hedabideen arabera istripu anitz gertatzen dira toki horretan, errepidearen ezaugarriengatik, egoera kaskarrarengatik eta ibilgailu astunen trafiko handiarengatik.
