Noiz sortua: 2018-01-10 11:59:59

Katalunia

Puigdemontek eta ERCk akordioa itxi dute Parlamentuko Mahaia osatzeko

Bruselan bildu dira bart Generaliateko burua eta Marta Rovira ERCko idazkari nagusia.

Puigdemont, Bruselan, abenduko hauteskundeen biharamunean. /
Puigdemont, Bruselan, abenduko hauteskundeen biharamunean. / Marta Merino Gomez/EFE

Arantxa Elizegi Egilegor -

2018ko urtarrilak 10

Belgikako hiriburuan elkartu ziren bart Junts per Catalunyako buru Carles Puigdemont eta ERCko idazkari nagusi Marta Rovira. Bilerarako gaia, berriz, bakarra: nola jokatu datorren asteazkenean egitekoa den parlamentuaren osaketan.

Zenbait iturrik aurreratu dutenez, akordioa lortu zuten bi aldeek gehiengo subiranista izango lukeen Parlamentuko Mahaia osatzeko, eta Puigdemont bera Generalitateko presidente izendatzeko aukeraz ere hitz egin dute. Oraindik argi ez dagoena da nola egingo duen hark karguaren zina. Bi aukera leudeke mahai gainean: telematikoki egitea eta ordezkari bat izendatzea kargu hartzea haren ordez egin dezan.

Parlamentuko Mahaiaren osaketari dagokionez, berriz, gehiengo independentista izango litzateke bertan, eta, beraz, batzordetik kanpo geratuko litzateke Catalunya en Comu alderdia. Zenbait iturriren arabera, ERCkoa izango litzateke mahaiko presidentea.

Mahaiaren esku legoke Puigdemonten balizko kargu hartze telematikoa baimentzea ere. Aurretik, hala ere, abokatuekin kontsulta egin beharko du ERCk. Horiek ohartarazia dute Espainiako Konstituzionalak aukera hori baliogabetu dezakeela.

Artur Masek PDeCATeko buruzagitza utzi eta ordu gutxira heldu da akordioaren albistea. Atzo arratsaldean eman zuen Masek erabakiaren berri, eta argudiatu zuen "proiektua zabaltzea errazteko" eman zuela pausoa.

Urtarrilaren 17an egingo dute Katalunian Parlamentua osatzeko saioa, eta, handik bi aste eskasera, 31n izango litzateke inbestidurari buruzko lehen eztabaida saioa.

Espetxe aldaketa

Konstituzionalak aske uzteko eskaera atzera bota ostean, Oriol Junqueras ERCko buruaren abokatuek hura Kataluniako espetxe batera eramateko eskaera aurkeztu dute auzitegietan. Eskaeran argudiatu dute hori dela modu bakarra diputatu gisara parlamentua osatzeko saioan eta presidentearen inbestiduran pare hartu ahal izateko.

Hain zuzen ere, Generalitatea indargabetzeko ahalbidetutako 155. artikuluaren aurka En Comuk jarritako helegitea tramitera onartu du Espainiako Auzitegi Konstituzionalak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Astelehenetik aitzinera Hego Euskal Herrian libre mugitzeko aukera izango dela espero du Urkulluk

Berria

Euskadi Irratian egindako elkarrizketa batean adierazi duenez, Pedro Sanchezi hala ulertu zion atzo Urkulluk. Salvador Illa Espainiako Osasun ministroak, ordea, atzo erran zuen hirugarren fasea bukatu arte ezingo dela autonomia erkidego batetik bertzera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Izurriak eragindako heriotzen kurba, ikusgai

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna