kultura

Txillardegiren omenezko horma irudia inauguratuko dute igandean, Donostian

Idazlea hil eta sei urtera inauguratuko du horma irudia Txillardegi Udal Liburutegia herri ekimenak. Donostian, Antigua auzoko Gaskuina plazan margotu du horma irudia Mikel Herrero artistak.

Berria -

2018ko urtarrilak 11

Jose Luis Alvarez Enparantza Txillardegi-ren oroimenezko horma irudia ikusgai egongo da Donostian, Antigua auzoko Gaskuina plazan, igandetik aurrera. Leku sinbolikoa aukeratu dute irudiarentzat. Izan ere, Antiguako Gaskuina plazan margotuko dute, Txillardegi baserria zegoen tokian. 12:00etan izango da inaugurazio ekitaldia, eta omenaldian parte hartuko dute Joxe manuel Odriozola idazleak eta Ibon Sarasola euskaltzainak.

Horma irudia egin ahal izateko, herritarren ekarpen ekonomikoa bildu du Txillardegi Udal Liburutegiak. Horma irudia marrazteaz, berriz, Mikel Herrero artista arduratu da.

Horma irudiaren inaugurazioaz gain, bi hitzaldi antolatu ditu elkarteak Donostian. Gaur izango da lehenengoa, Txillardegi, errotikako gogoeta izenekoa. Lorea Agirre Jakin aldizkariko zuzendariak eta Alaitz Aizpuru filosofo eta Lilleko Unibertsitateko irakasleak eskainiko dute, 19:00etan, Doctor Camino Liburutegian. Urtarrilaren 18an, berriz, Txillardegi intelektuala hitzaldia egingo du Fito Rodriguez idazle eta Txillardegi Udal Liburutegia elkarteko presidenteak. 13:00etan izango da, EHUren Filosofia mintegian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
S: