Aire garraioa

Euskal Herriko aireportuek %8,3 bidaiari gehiago garraiatu zituzten iaz

Trafikoa bikoiztu du Forondak, hegaldi erregularrak itzuli ondoren.

Gasteizko aireportua, Forondan.
Gasteizko aireportua, Forondan. Jaizki Fontaneda / Argazki Press

Iker Aranburu -

2018ko urtarrilak 12

Guztira, 6.696.427 bidaiarik erabili zituzten iaz Euskal Herriko bost aireportuak, 2016an baino 516.060 gehiago.

Euskal Herrira hegazkinez iritsi diren edo Euskal Herritik atzerrira abiatu diren lau bidaiarietatik hiruk Loiuko aireportua erabili dute. Guztira, 4.973.712 bidaiari izan ziren iaz (%8,4).

Antzeko bilakaera izan dute Hondarribiko aireportuak (281.859 bidaiari, +%6,6) eta Noaingoak (165.604, +%7,9). Apalagoa, berriz, Miarritzeko aireportuak: 1.190.991 bidaiari igaro dira handik, ia %4,9 gehiago.

Baina igoera ikusgarriena Forondakoak izan du (Araba), trafikoa aise bikoiztu duelako: 38.716 izan ziren 2016an, eta %128 gehiago 2017an (84.261). Ryanairren eskutik hegaldi erregularrak berreskuratu izanak azaltzen du Gasteizko aireportuaren trafiko igoera. Hura da, gainera, salgai gehien garraiatzen duena: 60.484 tona iaz (+%16).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna