Katalunia

Junqueras, Sanchez eta Forn ezinen dira joan parlamentua osatzeko saiora

Pablo Llarena Espainiako Auzitegi Goreneko epaileak Kataluniako Legebiltzarraren Mahaiaren esku utzi du diputatu hautatuei botoa delegatzeko aukera ematea.

Junqueras, artxiboko irudi batean, Kataluniako Legebiltzarrean, Puigdemont alboan duela. /
Junqueras, artxiboko irudi batean, Kataluniako Legebiltzarrean, Puigdemont alboan duela. / Andreu Dalmau/Efe

Mikel Rodriguez -

2018ko urtarrilak 12

Pablo Llarena epaileak uste du ez dela beharrezkoa espetxean dauden diputatu hautatuak legebiltzarrera joatea bozkatzeko eskubidearen erabilera egiteko. Oriol Junqueras ERCko zerrendaburuak eskaera hori egin zuen, epaileak espetxetik ateratzea galarazi zionean, eta Junts Per Catalunyako Jordi Sanchez eta Joaquim Fornek ere egoera bera izango dute, nahiz eta atzo epailearen aurrean eskatu zuten aske utz zitzatela. Horrez gainera, Junquerasek eskatua zuen Kataluniako espetxe batera eramateko, baina hori ere ez du onartu epaileak.

Bien bitartean, JPCko diputatu hautatuak Bruselan dira Carles Puigdemontekin, egoera aztertzen.

Hiru alderdi independentistek elkartuta 70 ordezkari lortu zituzten iazko abenduaren 21eko hauteskundeetan, gehiengo absolutura ailegatzeko behar den gutxienekoa baino bi gehiago. Alderdi unionistek, berriz, 57 lortu zituzten, eta Catalunya En Comu-Podemek, zortzi —bere burua bi blokeetatik kanpo kokatzen du—. Independentisten zalantzetako bat da espetxean eta erbestean dauden diputatu hautatuek nola lortuko duten parlamentuko bozketetan parte hartzea. Zortzi dira guztira, eta auzitegiek haien parte hartzea oztopatuko balute, independentisten botoak 62ra jaitsiko lirateke. Llarenaren erabakia baieztatuko balitz, eta espetxean daudenek gutxienez botoa delegatu ahalko balute, 65 mantenduko lituzkete.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna