Duela bi urte, gobernuaren aurkako protesta mugimendu zabala sortu zen, eta testuinguru horretan atxilotu zuten Merera Addis Abebako aireportuan, Europara eginiko bidaia batetik itzuli zenean. Iazko martxoan, "terrorismoa" leporatu zion fiskaltzak.
Hailemariam Desalegn lehen ministroak hilaren 3an jakinarazi zuen preso politikoak askatuko zituela "adiskidetze nazionala" errazteko, eta herenegun, berriz, gobernuak jakinarazi zuen Merera askatuko zuela eta beste 500 presoren aurkako akusazioak kenduko zituela.
