Albistea entzun

Ondarea

SOS Iruña-Veleiak berretsi du badirela auzia artxibatzeko arrazoiak

Plataformako kideek uste dute zigor epaitegia ez dela erakunderik egokiena grafitoen faltsutasunaz erabakitzeko, eta soilik laborategi zientifikoen esku egon beharko lukeela auziak.

Iruña-Veleiako grafitoei buruz 2009an Gasteizen egindako topaketa.
Iruña-Veleiako grafitoei buruz 2009an Gasteizen egindako topaketa. Juanan Ruiz / Argazki Press

Edurne Begiristain -

2018ko urtarrilak 18

Arabako Probintzia Auzitegiko Bigarren Sekzioak joan den astean erabaki zuen Iruña-Veleia auzia epaiketarako bidean jartzea, eta, gaur, SOS Iruña-Veleia plataformak erabakiaren inguruko balorazioa egiteko prentsaurrekoa eskaini du. Juan Martin Elexpuru, Idoia Filloy eta Konrad Van de Driessche izan dira agerraldian, eta, haiek nabarmendu dutenez, bada nahikoa arrazoi auzia artxibatzeko. Hasteko, adierazi dute epailearen autoak badituela "oso puntu positiboak" auzipetuen defentsarako, artxibatu egin dituelako behin-behinean iruzur larria eta ondare dezplazamendua delituak, eta beraz, ustezko faltsutzean akusatuei irabazi asmorik ez dietela leporatzen. Hori esanda, plataformako kideek uste dute auziaren muinean dauden piezen zaintza katea "hautsi" egin zela, eta horrek "automatikoki" ekarri beharko lukeela auziaren artxiboa. Horrez gain, uste dute ez dela frogatu faltsutzea egon zela. "Egia da kereila jarri duen partearen sei txosten daudela, baina hori bezain egia da badirela beste hogei aurkakoa diotenak", adierazi dute.

SOS Iruña-Veleia plataformaren arabera, une honetan Arkeometria laborategi espezializatuek soilik erabaki dezakete auziaz, eta hori da Lurmenek berak azken urteotan eskatu duena. "Zigor epaitegia ez da erakunderik aproposena grafito batzuen benekotasunaz edo faltsutasunaz erabakitzeko, soil-soilik zientifikoa den gai baten aurrean baikaude", azaldu dute. Auzia "beste fase batean" sartu dela uste dute plataformakoek; orain Arabako Foru Aldundiak eta Fiskaltzak epe labur bat dute akusazioa formulatzeko, balizko delituak zehaztu eta zigorrak eskatzeko. Pilota Arabako Foru Aldundiaren teilatuan dagoela iritzi diote: "Foru erakundeko buruzagiek barrua izango al dute beren zerbitzu juridikoak abian jartzeko, Eliseo Gil eta beste auzipetuen kondena bilatu nahirik?", galdetu dute. Amaitzeko, plataformakoek elkartasuna adierazi diete Eliseo Gil eta Oskar Escribano auzipetuei.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©ENDIKA PORTILLO / FOKU

«Badaude mehatxu batzuk airean, eta ez dakit oso kontziente garen»

iñigo Astiz

Itxaropena eta kezka, biak igar daitezke Gaztelurrutiaren diskurtsoan. Bihar irekiko ditu ateak Durangoko Azokak, eta, batetik, pandemia aurreko itxura izango duela espero du, baina, bestetik, erronka sorta baten aurrean ere ikusten du euskal kultura.
<em>Moor Krad</em> ikuskizuna ostiralean estreinatuko du Ertza konpainiak, Bilboko Arriaga antzokian. ©ASIER ZABALETA

Gela ilunak argiztatzera

Ainhoa Sarasola

Ertza konpainiak 'Moor Krad' estreinatuko du ostiralean, Bilboko Arriaga antzokian. Asier Zabaletak zuzendu du obra, eta bost dantzari eta abeslari bat bilduko ditu oholtza gainean
Kepa Junkera musikaria, atzo, Bilboko Arte Ederren Museoan, <em>Berpiztu</em> liburua aurkezten. ©ARITZ LOIOLA / FOKU

Junkera, «liburukote» batean

Iñigo Astiz

Musikariak bere obra osoa errepasatu du 'Berpiztu' liburuan, 40 artistaren obrek lagunduta
Jutta Koetherren obra handietako bat. ©JAIZKI FONTANEDA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.