Bertsolaritza

Maialen Lujanbio eta Miren Artetxe "euskal poetak" Renon

Renoko Euskal Ikasketen zentroan izango dira biak etzi, eta, gero, National Cowboy Poetry Gathering jardunaldietan parte hartuko dute.

Lujanbio, artxiboko irudi batean. /
Lujanbio, artxiboko irudi batean. / Juan Carlos Ruiz/Argazki Press

Berria -

2018ko urtarrilak 24

Unibertsitatean bertso saioa egingo dute bihar Lujanbiok eta Artetxek. Euskal Ikasketen zentroak egin duen oharrean dioenez, "euskal poemak sortuko dituzte, bi bertsolarik abestu eta interpretatuz". "Euskal poeta" itzuli dute "bertsolari" hitza. "Aukera paregabea da bertsolaritzaren artea bertatik bertara ezagutzeko", diote oharrean.

Lujanbio eta Artetxe ez dira horretara bakarrik joan Ameriketako Estatu Batuetara. Cowboy Poetry Gathering jardunaldietan parte hartzekoak dira urtarrilaren 29tik otsailaren 3ra, eta jardunaldi horietan haiekin batera izango dira Oihana Iguaran bertsolaria eta Jone Miren Hernandez ikerlaria ere. Renoko Euskal Ikerguneak eta Mintzola Ahozko Lantegiak antolatu dute egitasmoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna