Emakume Master Kopa

Bueltan da Emakume Master Kopa

Igandean hasiko da Emakumeen Eskuz Binakako Esku Pilota Txapelketa. Bi mailatan banatuta, 50 bikotek hartuko dute parte. Iaz baino 20 pilotari gehiagok.

Emakume Master Koparen aurkezpena, gaur. /
Emakume Master Koparen aurkezpena, gaur. / Iñigo Uriz/Argazki P

Kerman Garralda Zubimendi -

2018ko urtarrilak 31

Gaur aurkeztu dute Emakume Master Cup, Emakumeen Eskuz Binakako Esku Pilota Txapelketa, Gasteizko udaletxean. Izan ere, pilotariak igandean hasiko dira lehian Mendizorrotzako frontoietan. Bikote bakoitzaren mailaren arabera, bi multzotan banatu dira: promozio maila eta lehen maila. Promozioan 42 bikotek hartuko dute parte, eta lehen mailan, zortzik. Arabako, Bizkaiko, Gipuzkoako, Nafarroako, Aragoiko, Asturiasko, Errioxako eta Valentziako pilotariak lehiatuko dira.

Igandean, egun osoko pilota jaialdia antolatu dute. Goiz eta arratsalde arituko dira pilotariak, lau frontoietan batera. Bikote batzuk dagoeneko kanporatuak izango dira. Promozio mailan hiruko taldetxoetan banatu dira bikoteak, eta denek denen aurka jokatu ostean, taldetxoko bi bikote onenek aurrera egingo dute. Lehen mailan, berriz, laukoteak egin dituzte, eta hiru bikotek egingo dute aurrera. Gainerako kanporaketak Markinan, Larrabetzun eta Zamudion izango dira. Finalerdiak Oñatin izango dira, eta finala, martxoaren 25ean, Eibarko Astelena frontoian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna